اق وليمپيادا وتەتىن قالادا جەر قاپ- قارا - فوتو
پحەنچحان قالاسىنا كەلگەندەگى ءبىزدىڭ نازارىمىزعا ەڭ ءبىرىنشى ىلىككەنى قالانىڭ كوز تارتقان ساۋلەتى ەمەس، قاردىڭ جوقتىعى بىردەن نازارىمىزدى اۋداردى.
پحەنچحان قالاسىنىڭ اينالاسى تاۋلارمەن قورشالعان ەكەن. الايدا، الاتاۋ سياقتى باسىن اق قار باسقان ەڭسەسى بيىك تاۋ كورگەن جوقپىز. ال مۇنداعى الاسا تاۋلاردىڭ باسى قاپ قارا بولىپ جاتىر.
الايدا، وليمپياداعا قىزمەت اتقارىپ جۇرگەن ەرىكتىلەر قار شاڭعى جارىستارى وتەتىن الاڭداردا قاردىڭ جەتكىلىكتى ەكەنىن جەتكىزدى.
سونداي-اق، قازاقستاندىق ب ا ق وكىلدەرى بۇگىن كەلە سالىسىمەن تورتكىل دۇنيە كوز تىگەتىن وليمپيادا ويىندارىندا ارنايى حابار تاراتاتىن ەڭ ۇلكەن باسپا ءسوز ورتالىعىمەن تانىسىپ قايتتى.
ەستەرىڭىزگە سالا كەتەيىك، بۇگىن XXIII قىسقى وليمپيادا ويىندارىنىڭ باستالۋىنا تۋرا 2 كۇن قالدى. وليمپيادا ويىندارى اقپاننىڭ 9-25 ى ارالىعىندا وتەدى. اتالعان ءتورت جىلدىق دودادا قازاقستان قۇراماسى سپورتتىڭ 9 تۇرىنەن ەل نامىسىن قورعايتىن بولادى. ال جالپى وليمپيادادا 15 سپورت تۇرىنەن 102 مەدال جيىنتىعى ساراپقا سالىنادى.
كۇنسۇلتان وتارباي
