ح و ك وليمپيادا ويىندارىن ۇنەمشىلدىكپەن وتكىزۋدى ۇسىندى
بۇل تۋرالى ۇيىمنىڭ باسپا ءسوز قىزمەتىنە سىلتەمە جاساپ ت ا س س حابارلايدى.
جوبا پحەنچحان قالاسىندا وتكەن ح و ك- تىڭ 132- سەسسياسىندا تانىستىرىلدى. «جاڭا نورما» «وليمپيادا ءتارتىبى - 2020» ۇسىنىمدارىنا سايكەس جاسالعان. رەفورمانىڭ كوپشىلىگى قالالار وليمپيادا جانە پاراليمپيادا وتكىزۋ بارىسىندا ميلليونداعان دوللار قاراجات ۇنەمدەپ، ح و ك تاراپىنان قولداۋ تابۋعا باعىتتالعان.
توكيودا 2020 -جىلى وتەتىن ويىنداردىڭ ۇيىمداستىرۋشىلارى ح و ك پەن بىرىگىپ جۇمىس جاساپ ناتيجەسىندە 2,2 ميلليارد دوللار ۇنەمدەگەن.
ح و ك مالىمدەگەندەي، ۇيىمداستىرۋشىلار 80 جاعدايدا قارجى ۇنەمدەي الادى. مىسال كەلتىرەتىن بولساق، وليمپيادا قالاشىعىنىڭ كولەمىن كىشىرەيتۋ، قوعامدىق كولىكتەر رەتىندە بۇرىننان قالادا جۇرگەن كولىكتەردى پايدالانۋ. سونىمەن قاتار ح و ك ءبىر ارەنانى سپورتتىڭ بىرنەشە تۇرىنە پايدالانۋدى ۇسىندى.
