وقىعاندى كوڭىلگە توقۋ

استانا. قازاقپارات - الەم كوز ىلەسپەس جىلدامدىقپەن وزگەرۋدە. بۇگىنگى جاڭالىق ەرتەسىنە نازاردان تىس قالىپ، ۇمىت بولادى. اقپارات حابارلارىنىڭ ءنوپىر تاسقىنى ادامنىڭ ۇمىتشاق بولۋىنا سەبەپ بوپ تۇر.

 وقىعان دۇنيەنى جادىڭىزدا ۇزاق ۋاقىت ساقتاعىڭىز كەلسە، مىنا كەڭەستەرگە قۇلاق ءتۇرىڭىز.

 ويلانىڭىز! ومىرىڭىزگە پايدالى اقپارات وقىپ، جىلى جاۋىپ قويا سالماڭىز. اقپاراتتاردى ەسىڭىزدە ساقتاۋ ءۇشىن وي ەلەگىنەن وتكىزىپ، ماڭىزدى دەگەن تۇستاردى قاعازعا ءتۇسىرىڭىز.

 تالداۋ جاساڭىز ماڭىزدى ويلاردى، ءسوز تىركەسى نەمەسە تولىق سويلەمدى ماقساتىنا وراي بىرنەشە باعاناعا ءبولىپ جازىڭىز. ونداعى اقپارات ومىردە ءبىر كادەڭىزگە جاراپ قالۋى مۇمكىن. مىسالى: ادەبي- تاريحي كىتاپتاردى وقىساڭىز «كونەرگەن سوزدەر، ماقال- ماتەل، يدەيا، تاريح» دەپ بولۋگە بولادى.

 دوستارىڭىزبەن ءبولىسىڭىز وقىعان دۇنيەڭىزدى وزگە ادامعا ايتقان سايىن ەسىڭىزدە تەز جاتتالادى. تالقىلاۋ وقىعان تاقىرىپتى جان- جاقتى قورىتىپ، پىكىر قالىپتاستىرۋعا كومەكتەسەدى. وقىعان دۇنيە جايلى جازىڭىز كىتاپتاعى وقيعا ومىردە ءسىزدىڭ دە باسىڭىزدان ءوتۋى مۇمكىن. وقىعانىڭىز جايلى مازمۇنداما جازۋ، تاقىرىپتى بايىتا تۇسەدى. سەبەبى، وندا، وي قوسىپ بايىتا تۇسەسىز.

قايتالاپ وقىپ شىعىڭىز قايتالاۋ - ءبىلىم اناسى. كىتاپتى ءبىر وقىعاندا بارلىعىن ءتۇسىنىپ شىعۋ مۇمكىن ەمەس. اراعا ۋاقىت سالىپ قايتا وقۋ اۆتور يدەياسىن، ونداعى وقيعالاردى باسقا قىرىنان ءتۇسىنىپ، تولىق سىڭىرۋگە مۇمكىندىك بەرەدى.

 دايىنداعان: ءابدىماناپ نۇرجان

Massaget.kz