قىتايلىق ەكى ازامات بايلىعىن دالەلدەۋ ءۇشىن اقشا ورتەدى

 استانا. قازاقپارات - قىتايدىڭ انحوي پروۆينتسياسىندا ەكى ازامات ءبىر- بىرىنە بايلىعىن دالەلدەمەك بولىپ بۋما- بۋما اقشا ورتەدى.

بۇل تۋرالى SCMP جازدى.

«بايپاتشالاردىڭ» ەكەۋى دە ماس بولعان. ولاردىڭ ءباسىن تاماشالاۋشىلاردىڭ ءبىرى ۆيدەوعا ءتۇسىرىپ الىپ، ارتىنشا الەۋمەتتىك جەلىدە تاراتىپ جىبەرگەن. اۋەلى 100 يۋانمەن باستاعان بايشىكەشتەردىڭ قانشا اقشانى كۇلگە اينالدىرعانى بەلگىسىز.

«ءبىز 500 داناعا دەيىن جەتكىزەمىز دەپ ويلاعانمىن. ەگەر وعان اقشاڭ جەتپەسە، اۋلاق ءجۇر» - دەيدى بىرەۋى قارسىلاسىنا.

دەگەنمەن ولاردىڭ بۇل ارەكەتتەرىن جەرگىلىكتى پوليتسيا قىزمەتى توقتاتىپ، ۇلتتىق ۆاليۋتانى قۇرمەتتەمەگەندەرى ءۇشىن ءارقايسىسىنا 160 دوللار كولەمىندە ايىپپۇل سالدى.

Baq.kz