عالىمدار تەلەفوننىڭ قاۋپىن جوققا شىعاردى

 استانا. قازاقپارات - ا ق ش- تىڭ ۇلتتىق دەنساۋلىق ينستيتۋتىنىڭ اۋقىمدى زەرتتەۋلەرىنىڭ ناتيجەسىنە سايكەس، ۇيالى تەلەفون ادام دەنساۋلىعىنا ەش زاردابىن تيگىزبەيدى.

ءبىراق رادياتسيا ساۋلەسى تىشقانداردىڭ د ن ق- سىنا زيان كەلتىرگەنى جانە ىسىك دامۋىنىڭ قاۋپى جوعارىلاعانى انىقتالسا دا، ساراپشىلار بۇل ساۋلە ادام دەنساۋلىعىنا سونشالىقتى اسەر ەتپەيدى دەگەندى ايتتى. بۇل تۋرالى Science Alert سايتى جازدى، دەپ حابارلايدى Вaq.kz اقپارات اگەنتتىگى lenta.ru باسىلىمىنا سىلتەمە جاساپ.

ساراپتامادا ءۇش مىڭعا جۋىق تىشقان پايدالانىلدى. ولار 2G جانە 3G ۇيالى تەلەفوندارىنان شىعاتىن رادياتسيامەن بىرگە ارنايى كامەراعا ورنالاستىرىلدى. جانۋارلار كۇن سايىن توعىز ساعات بويى قاۋىپتى زونادا بولدى. مۇنىمەن قوسا رادياتسيانىڭ ەڭ تومەن دەڭگەيى ادامدار گادجەتتى قولدانعان كەزدەگى نورمادان جوعارى بولمادى. سوندا كەمىرگىشتەردىڭ اعزاسىندا ىسىك قاۋپى جوعارىلادى. ءبىراق زەرتتەۋشىلەر بۇل رادياتسيا اسەرىنەن بولدى ما، الدە باسقادان با ەكەنى بەلگىسىز دەپ وتىر.

پاتولوگيا تەك ميدا ەمەس، باسقا دا ورگاندارىندا پايدا بولىپتى. ماماندار مۇنىڭ رادياتسيا اسەرىنەن ەكەنىنە كۇمان كەتىردى. ولاردىڭ ايتۋىنشا، رادياتسيالىق ساۋلەنىڭ ۇلكەن مولشەرى دە تىشقانداردىڭ دەنساۋلىعىنا ايتارلىقتاي اسەر ەتپەۋى مۇمكىن. زەرتتەۋشىلەر ۇيالى تەلەفون ادامدارعا دا زيان ەمەس دەگەن سەنىمدە.