پۋتين ر ف پرەزيدەنتتىگىنە كانديدات رەتىندە تىركەلدى
دەپ حابارلايدى ت ا س س.
«رەسەي فەدەراتسياسىنىڭ پرەزيدەنتى قىزمەتىنە كانديدات رەتىندە ۆلاديمير ۆلاديميروۆيچ پۋتين تىركەلسىن»، - دەپ جازىلعان ر ف و س ك قاۋلىسىندا.
پۋتيننىڭ كانديداتتىققا تىركەلۋ جونىندەگى كۋالىگىن ونىڭ سايلاۋالدى شتابىنداعى زاڭگەرلىك قىزمەت جونىندەگى باسشىسى سەرگەي كابىشيەۆ الدى. ونىڭ ايتۋىنشا، پۋتين كانديدات بولىپ تىركەلگەن سوڭ سايلاۋ ناۋقانى كەزىندە ۋاقىتشا دەمالىسقا كەتۋگە مىندەتتى ەمەس.
مەملەكەتتىك جوعارى قىزمەتتەگى تۇلعاعا زاڭدىق تۇرعىدان رۇقسات بەرىلەتىنىن ايتقان ول، «جوق. ول قازىر جۇمىس ىستەپ تۇرعان پرەزيدەنت رەتىندە ءوز مىندەتىن اتقارا بەرەدى»، - دەدى.
ايتا كەتەيىك، پۋتين كانديداتتىققا تىركەلگەن ءۇشىنشى ادام بولىپ وتىر. بۇعان دەيىن ل د پ ر باسشىسى ۆلاديمير جيرينوۆسكي جانە ك پ ر ف پارتياسىنان پاۆەل گرۋدينين تىركەلگەن. ولار پارلامەنتتىك پارتيالاردىڭ اتىنان تۇسكەندىكتەن وزدەرىن قولداۋ ماقساتىندا سايلاۋشىلاردان قول جيناۋدان بوساتىلدى.
