ءابۋ-دابي پلازانىڭ قۇرىلىسىنا جۇمىلدىرىلعان قانشا جۇمىسكەر قىسقاردى
بۇل تۋرالى بۇگىن استانا قالالىق جۇمىسپەن قامتۋ، ەڭبەك جانە الەۋمەتتىك قورعاۋ باسقارماسىنىڭ باسشىسى ەرمەك وسپانوۆ ايتتى، دەپ حابارلايدى قازاقپارات.
«وزدەرىڭىز دە بىلەسىزدەر، كەشە 62 جۇمىسشى سالىنىپ جاتقان «ءابۋ- دابي پلازا» اۋماعىنا كىرگىزبەي قويعانى ءۇشىن نارازىلىق تانىتقان بولاتىن. بۇگىنگى كۇنى «ءابۋ-دابي پلازانىڭ» قۇرىلىس جۇمىستارىنا 4453 ادام جۇمىلدىرىلعان. ونىڭ 3288 ى كەلىسىمشارت بويىنشا جۇمىس ىستەيتىن شتاتتاعى قىزمەتكەرلەر. ال ونىڭ ىشىندەگى شەتەلدىكتەر - 2428، قازاقستاندىقتار 860 ادامدى قۇرايدى. بۇعان قوسا، سالىنىپ جاتقان نىساندا بۇگىنگى كۇنى 87 سۋبمەردىگەر ۇيىم جۇمىس ىستەيدى. ولاردا 1165 ادام قۇرىلىس جۇمىستارىنا تارتىلعان. 86 ۇيىم قازاقستاندىق، ال بىرەۋى - شەتەلدىك. قازاقستاندىق ۇيىمداردا - 939، ال شەتەلدىك كومپانيادا 226 مامان جۇمىس ىستەيدى»، - دەدى ول.
ونىڭ ايتۋىنشا، قۇرىلىسى 2013 -جىلى باستالعان نىسان اياقتالۋعا جاقىن. كەشەندى 2019 -جىلدىڭ كوكتەمىندە تولىقتاي پايدالانۋعا بەرۋ جوسپارلانعان.
«نازار اۋدارعان بولساڭىزدار، «ءابۋ-دابي پلازا» 5 نىساننان تۇرادى. ونىڭ 4 ەۋى دايىن. ت م د اۋماعىنداعى ەڭ بيىك، تەحنولوگيا جاعىنان وتە كۇردەلى سوڭعى نىسانى عانا قالدى. بۇل نىسان «ا» ساناتىنا جاتادى. سوندىقتان بۇل نىساندا جۇمىس ىستەيتىن ۇيىمداردىڭ بەلگىلى ءبىر سايكەستىك سەرتيفيكاتى بولۋى ءتيىس. ياعني، «ءابۋ-دابي پلازا» نىسانىنىڭ قۇرىلىس جۇمىستارى اياقتالۋعا جاقىن. وسىعان بايلانىستى ءبىز قالاساق تا، قالاماساق تا نىسان قۇرىلىسى اۋماعىندا جۇمىستار بىرتىندەپ اياقتالاتىن بولادى. قۇرىلىستىڭ قازاندىق قازۋ جۇمىسىنان باستاپ جۇمىس ىستەگەن ادامدار بىرتىندەپ قىسقارتۋعا ۇشىرايدى»، - دەدى ەرمەك وسپانوۆ.
ونىڭ دەرەگىنشە، 4 سۋبمەردىگەر ۇيىمنىڭ نىسانداعى جۇمىس كولەمىن اياقتاعان. وسىعان بايلانىستى «ءابۋ-دابي پلازا» مەنەدجمەنتى 19 -قاڭتار كۇنى كومپانيالاردىڭ باسشىلىعىنا جۇمىستاردىڭ اياقتالاتىندىعى تۋرالى ەسكەرتۋ جىبەرگەن. ال ولار ءوز كەزەگىندە جۇمىسشىلاردى اقپاراتتاندىرۋى ءتيىس بولعان.
«جالپى 2017 -جىلى جۇمىس كولەمىنىڭ اياقتالۋىنا بايلانىستى 2866 شەتەلدىك جانە 4043 قازاقستاندىق جۇمىسشى قىسقاردى»، - دەدى باسقارما باسشىسى.
