تالدىقورعاندا پارامەن ۇستالعان شەنەۋنىك تەرەزەدەن سەكىرىپ كەتتى

استانا. قازاقپارات - پارا الۋ بويىنشا كۇدىكتى «قازسۋشار» ر م ك- نىڭ الماتى فيليالىنىڭ ديرەكتورى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ الماتى وبلىسى دەپارتامەنتى عيماراتىنىڭ تەرەزەسىنەن سەكىرىپ كەتتى.

بۇل تۋرالى قازاقپارات اتالعان ۆەدومستۆونىڭ باسپا ءسوز قىزمەتىنە سىلتەمە جاساپ حابارلايدى.

سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ الماتى وبلىسى دەپارتامەنتى پروكۋراتۋرا ورگاندارىنىڭ سانكسياسىمەن جۇرگىزىلگەن جاريا ەمەس تەرگەۋ ءىس-قيمىلدارى جۇرگىزىلىپ، پاراقورلىق بويىنشا «قازسۋشار» ر م ك- نىڭ الماتى فيليالىنىڭ ديرەكتورىنىڭ زاڭسىز ارەكەتىن اشكەرە ەتتى.

ول 17,4 ميلليون تەڭگەنى نەمەسە مەملەكەتتىك ساتىپ الۋ سوماسىنان 10 پايىز كولەمىندەگى زاڭسىز سىياقىنى ورىندالعان جۇمىس اكتىسىنە قول قويۋ ءۇشىن مەردىگەر ۇيىمنىڭ وكىلىنەن العان. سونىمەن قاتار قوسىمشا كەلىسىمدى بەكىتۋ دە ەسكەرىلگەن ەكەن. اتالعان قارجى ءبىر ايدىڭ ىشىندە بىرنەشە بولىكپەن تولەنىپ كەلگەن.

ۆەدومستۆونىڭ حابارلاۋىنشا، 2 -اقپاندا ساعات 22:23-تە مۇحاماديەۆ قالعان 400 مىڭ تەڭگەنى الۋ كەزىندە ۇستالعان. جەدەل تەرگەۋ امالدارى جۇرگىزىلگەننەن كەيىن، 3 -اقپان كۇنى ساعات 08:34-تە ول دەپارتامەنتتىڭ اكىمشىلىك عيماراتىنا جەتكىزىلدى.

«ساعات 09:02 كەزىندە مۇحاماديەۆ دەپارتامەنت نىسانىندا 4 -قاباتتا ورنالاسقان قىزمەتتىك كابينەتتىڭ تەرەزەسىنەن سەكىرىپ كەتتى. العان جاراقاتىنان مۇحاماديەۆ وقيعا ورنىندا جان تاپسىردى. قازىرگى كەزدە العان فاكتى بويىنشا تالدىرقورعاننىڭ ءى ءى ب- سىمەن سوتقا دەيىنگى تەرگەۋ ءجۇرىپ جاتىر. سونىمەن قاتار سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ ىشكى قاۋىپسىزدىك باسقارماسىمەن قىزمەتتىك تەكسەرۋ باستالدى»، - دەپ اتاپ وتىلگەن ۇلتتىق بيۋرو مالىمەتىندە.