قازاقستان قۇراماسى فۋتزالدان ەۋروچەمپيوناتتاردىڭ رەكوردىن ورناتتى

استانا. قازاقپارات - قازاقستاننىڭ فۋتزالدان 2018 -جىلعى ەۋروپا چەمپيوناتىنىڭ جارتىلاي فينالىنا شىعۋى تاريحي جەتىستىك بولدى، دەپ جازادى Sports.kz.

بۇعان دەيىن ەۋروپا چەمپيوناتتارىنىڭ بىردە- ءبىر دەبيۋتانتىنا ەكى جىل قاتارىنان ەكى رەت جارتىلاي فينالعا شىعۋ باقىتى بۇيىرماعان.

وسىعان ۇقساس ناتيجەلەرىمەن 1996 جانە 1999 -جىلدارى وتكەن العاشقى ەۋروپا چەمپيوناتتارىنىڭ جارتىلاي فينالدارىندا ونەر كورسەتكەن يسپانيا، رەسەي جانە يتاليا قۇرامالارى عانا ماقتانا الادى. ءبىراق ول چەمپيوناتتاردىڭ اراسىندا ءۇش جىلدىق ءۇزىلىس بولعان ەدى.

ەسكە سالا كەتەيىك، سلوۆەنيادا ءوتىپ جاتقان قۇرلىق چەمپيوناتىنىڭ شيرەك فينالىندا ءبىزدىڭ جىگىتتەر سەربيانى 3:1 ەسەبىمەن ۇتتى.

قازاقستان قۇراماسى جارتىلاي فينالدا بۇگىن تۇندە، استانا ۋاقىتىمەن 02:00-دە وتەتىن ۋكراينا- يسپانيا كەزدەسۋىنىڭ جەڭىمپازىمەن وينايدى.