قانداي ادامدار يتتەردىڭ شابۋىلىنا ءجيى تاپ بولادى

استانا. قازاقپارات - يتتەر كوبىنە كىمدەرگە شابۋىل جاسايتىنى بەلگىلى بولدى. ونى ليۆەرپۋل ۋنيۆەرسيتەتىنىڭ عالىمدارى زەرتتەدى.

 ناتيجەسى Journal of Epidemiology and Community Health جۋرنالىنا جاريالاندى، دەپ حابارلايدى Stan.kz.

عالىمدار سولتۇستىك ۇلى بريتانيانىڭ چەشير ەلىندەگى 694 تۇرعىنعا ساۋالناما جۇرگىزگەن. ولار جاسىن ايتىپ بارىپ، سۇراقتارعا جاۋاپ بەرگەن.

تۇرعىنداردىڭ 25 پايىزىن ومىرىندە ءبىر رەت بولسا دا ءيت تىستەپ كورگەن. ءيت شابۋىلىنىڭ ورتاشا جيىلىگى جىلىنا 1000 ادامعا شاققاندا 18,7 رەت تىستەگەن. ياعني، ۇلى بريتانياداعى دەنساۋلىق ساقتاۋ جۇيەسىنىڭ دەرەكتەرى ەكى ەسە از بولىپ شىقتى. بۇل مەديتسينالىق كومەكتىڭ قاجەت بولعانىنا قاتىستى شىققان ستاتيستيكا.

ساۋالناماعا جاۋاپ بەرگەن تۇرعىنداردىڭ 44 پايىزىن ءيت 16 جاسقا دەيىن تىستەگەن. ۇيىندە ءيت اسىرايتىنداردىڭ 3,3 پايىزى ءوز ءيتىنىڭ شابۋىلىنا تاپ بولعان.

زەرتتەۋ ناتيجەسىندە ەر ادامدار ايەل ادامدارعا قاراعاندا 1,8 رەت ءيتتىڭ قۇربانى بولادى.

يتتەن قورقىپ، تىتىركەنگەن ادامعا يتتەردىڭ شابۋىل جاساۋ ىقتيمالدىعى ارتاتىنى بەلگىلى بولدى.