جاڭا زەلانديادا يەن ارالداعى جالعىز قۇس ءولىپ قالدى
نايدجەل ءتىرى قۇستارمەن «ارالاسپاعان». نايدجەلدىڭ سوڭعى ۆيدەوسى 2016 - جىلى تۇسىرىلگەن. ول - مانا ارالىنا سوڭعى 40 جىلدا قونىس اۋدارعان العاشقى بوزشاعالا. ارالدا بۇل قۇس ءتۇرىن وسى ارالعا تارتۋ ماقساتىندا ەكولوگتار بوزشاعالالاردىڭ مۇسىندەرىن ورناتقان. ءتىپتى مۇسىندەرگە قۇستىڭ دىبىسىن شىعاراتىن ارنايى باعدارلاما دا ورناتقان. سونداي قۇستاردىڭ بىرىنە نايدجەلدىڭ كوڭىلى اۋىپ، بىرنەشە جىل وعان قارايلاسقان ەكەن. ول ءمۇسىن قۇسقا ۇيا سالىپ، ءتىپتى قاناتتارىن تازارتپاق تا بولعان.
«نايدجەل ءوزىنىڭ ماقساتىن ورىندادى دەسەك تە بولادى. ول ولمەستەن ءبىر اپتا بۇرىن ارالعا كوپ جىلدان سوڭ بىرنەشە بوزشاعالا ۇشىپ كەلدى. ءبىراق ول ءبىزدىڭ «قاھارماندى» قىزىقتىرا قويماعان»، - دەپ مالىمدەدى كورشى ارالدا تۇراتىن ورمانشى كريس بەلل.
بەللدىڭ ايتۋىنشا، نايدجەل جاڭادان كەلگەندەرمەن تانىسپاعان. ال جاڭا كەلگەن قۇستار ارالدىڭ باسقا بەتىندە ورنالاسىپ جاتقاندا نايدجەل سول بۇرىنعى جالعىزدىڭ كۇيىمەن ءومىرىن سۇرە بەرگەن.
www.24.kz
