زارينا دياس قازاقستاننىڭ ءبىرىنشى راكەتكاسى اتاندى

 استانا. قازاقپارات - ايەلدەر تەننيسى قاۋىمداستىعىنىڭ (WTA) جاڭا رەيتينگى جاريالاندى، دەپ حابارلايدى Sports.kz.

قازاقستاننىڭ ءبىرىنشى راكەتكاسى بولىپ كەلگەن يۋليا پۋتينتسيەۆا وتىز ورىنعا سىرعىپ، 81-قاتارعا تابان تىرەدى.

57-ورىننان 55-ورىنعا كوتەرىلگەن زارينا دياس قازاقستاننىڭ ايەلدەر اراسىنداعى ۇزدىك تەننيسشىسى بولدى.

جۇپتىق رازريادتا ونەر كورسەتەتىن ياروسلاۆا شۆەدوۆا 50-ورىننان 49-ورىنعا كوتەرىلدى.

كارولين ۆوزنياتسكي (دانيا) ، سيمونا حالەپ (رۋمىنيا) جانە ەلينا سۆيتولينا (ۋكراينا) بۇرىنعىشا رەيتينگ باسىندا تۇر.