رەسەيلىك ۇشاق ىستامبۇلعا قونار ساتتە تۇرىك لاينەرىمەن سوقتىعىسۋعا شاق قالدى

استانا. قازاقپارات - رەسەيلىك «پوبەدا» اۋە كومپانياسىنىڭ Boeing-737 ۇشاعى ىستامبۇلداعى اتاتۇرىك اۋەجايىنا قونار ساتتە وسى كەزدە جوعارى كوتەرىلە باستاعان تۇرىكتىڭ جۇك تاسىمالدايتىن Pegasus ۇشاعىنا سوقتىعىسا جازداپ، نەبارى 205 مەتر عانا قاشىقتىقتان ءوتتى، دەپ جازادى iz.ru.

Haberturk تەەارناسىنىڭ حابارلاۋىنشا، ماسكەۋدەن شىققان Boeing-737 ۇشقىشى قاتتى جەلدىڭ سالدارىنان ءبىرىنشى ارەكەتىندە قوندىرا الماعان. سالدارىنان اۋە كەمەسى ۇشاقتاردىڭ جوعارى كوتەرىلەر جولىنان ءبىر- اق شىققان.

ىستامبۇلدان يزميرگە باعىت العان تۇرىك رەيسىنىڭ ۇشقىشىنا جوعارى كوتەرىلگەن ساتىندە سوقتىعىسپاس ءۇشىن وڭ جاققا كۇرت بۇرۋىنا تۋرا كەلگەن.

بۇدان سوڭ رەسەيلىك ۇشاق ءساتتى قوندى. ابىروي بولعاندا، ەشكىم زارداپ شەككەن جوق. تۇركيالىق اۆياتسيا بيلىگى وقىس وقيعانىڭ سەبەپ- سالدارىن تەكسەرۋ جۇمىستارىن جۇرگىزىپ جاتىر.