بياتلونشى رايكوۆا پحەنچحاننان وتانداستارىنا سالەم جولدادى - كەسكىن
بەينە جازبادا: «بارشاڭىزعا وڭتۇستىك كورەيادان سالەم! مەن رايكوۆا الينا، بياتلون كومانداسىنىڭ سپورتشىسىمىن. كوپتەگەن كۇتكەن وليمپياداعا كەلىپ جەتتىك، ياعني، التى كۇننەن سوڭ الاۋى جاعىلاتىن. ەلىمىزدىڭ ۇلتتىق وليمپيادا كوميتەتىنە ەرەكشە العىس بىلدىرگىم كەلەدى. ءبىزدى وتە جاقسى قارسى الىپ، جايعاستىردى. قولداۋ ءبىلدىرىپ جاتقانىنا ۇلكەن راحمەت! ءبىز ولاردىڭ سەنىمدەرىنەن شىعىپ، العا قويعان ماقساتتارىمىزدى ورىندايتىن بولامىز.
مۇندا تاماقتارى جاقسى، شاڭعى جولدارى دا جاقسى دايىندالعان، كەڭ، ساپاسى جوعارى. جاساندى قار توسەلگەن. كەشە وسىنداعى العاشقى جاتتىعۋىمىزدى وتكىزىپ، كوڭىلىمىز تولدى.
جوعارى ناتيجەدەن ۇمىتتەنەمىز. بىزگە جانكۇيەرلىك تانىتىڭىزدار. ءبىز سەنىمدەرڭىزدەن شىعۋعا تىرىسامىز.
العا قازاقستان!»، دەيدى الينا ءوزىنىڭ بەينە سالەمدەمەسىندە.
ەسكە سالا كەتەيىك، تورتكۇل دۇنيە كوز تىگىپ وتىرعان بايراقتى جارىس 9-25 -اقپان ارالىعىندا وتەدى. وندا الەمنىڭ 92 ەلىنەن جينالعان 2500 اتلەت قىسقى سپورتتىڭ 15 ءتۇرى بويىنشا 102 جيىنتىق مەدالدى ساراپقا سالادى. قازاقستاندىق سپورتشىلار ىرىكتەۋ باسەكەسىندە ۇتىپ العان 57 وليمپيادا جولداماسىنا سايكەس سپورتتىڭ 9 ءتۇرى بويىنشا سىنعا تۇسەدى. قازاقستان رەسپۋبليكاسى ۇلتتىق قۇراماسى ساپىندا اقمولالىق 6 سپورتشى ەل نامىسىن قورعايدى. ولار بياتلونشى الينا رايكوۆا، رومان يەرەمين، تيمۋر حاميتگاتين جانە شاڭعىشىلار ەۆگەني ۆەليچكو، ۆالەريا تيۋلەنيەۆا، دەنيس ۆولوتكا.
Вся страна с вами! #teamKZ 🇰🇿 Алға, Қазақстан! @alinka._r @biathlon_kaz
