دجۋنگليدەن ونداعان مىڭ مايا وركەنيەتىنىڭ قۇرىلىسى تابىلدى
ءبىر قىزىعى، تروپيكالىق نۋ ورمان جاۋىپ جاتقان، ادام قولىمەن تۇرعىزىلعان بۇل قۇرىلىستار لازەرلىك تەحنولوگيانىڭ كومەگىمەن اشىلعان.
عالىمدارعا لازەرلىك تەحنولوگيانىڭ ارقاسىندا گۆاتەمالانىڭ سولتۇستىگىندەگى پەتەن دەپارتامەنتىندە 2000 شاقىرىمنان استام جەردىڭ كارتاسىن ءتۇزۋدىڭ ءساتى تۇسكەن.
دجۋنگليدىڭ بۇل بولىگىندە ۇيلەر، سارايلار، جولدار مەن قورعانىس بوگەتتەرى تابىلدى.
سونداي-اق بۇل جەر بۇگىندە بەلگىلى بولعان مايا قالالارىنىڭ قيراندىلارىنا جاقىن ماڭايدا. سوعان قاراعاندا، ءوڭىر تۇرعىندارىنىڭ سانى بىرنەشە ميلليونعا جەتۋى مۇمكىن.
ارحەولوگتار جاڭا تەحنولوگيا ءبىزدىڭ مايا وركەنيەتى تۋرالى بىلگەنىمىزدى تولىقتاي وزگەرتەتىندىگىنە سەنىمدى.
«بۇل - مايانى جارتى عاسىرعا سوزىلعان ارحەولوگيالىق زەرتتەۋ تاريحىنداعى اسا ماڭىزدى بەلەس بولىپ وتىر»، - دەيدى براۋنوۆسكي ۋنيۆەرسيتەتىنىڭ پروفەسسورى ستيۆەن حيۋستون.
