13:41, 03 - اقپان 2018 | GMT +5
قازاقستان مەن رەسەي پرەزيدەنتتەرى ەاەو اياسىنداعى ىنتىماقتاستىق جونىندە اڭگىمەلەستى
استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
ەكى ەل كوشباسشىلارى بيىلعى 29-30 - قاڭتاردا سوچيدە وتكەن سيريا ۇلتتىق ديالوگى كونگرەسىنىڭ قورىتىندىلارىن تالقىلادى. قازاقستان پرەزيدەنتى سيريا داعدارىسىن رەتتەۋ ۇدەرىسىنە رەسەي فەدەراتسياسىنىڭ قوماقتى ۇلەس قوسقانىن اتاپ ءوتتى.
مەملەكەتتەر باسشىلارى الماتى قالاسىندا وتكەن ەۋرازيالىق ۇكىمەتارالىق كەڭەس وتىرىسى مەن «جاھاندىق داۋىردەگى تسيفرلىق كۇن ءتارتىبى» اتتى فورۋم تۋرالى وي ءبولىسىپ، ەۋرازيالىق ەكونوميكالىق ينتەگراتسيا اياسىنداعى قازاقستان- رەسەي ىنتىماقتاستىعى جونىندە اڭگىمەلەستى.
نۇرسۇلتان نازاربايەۆ پەن ۆلاديمير پۋتين وڭىرلىك جانە حالىقارالىق كۇن تارتىبىندەگى باسقا دا وزەكتى ماسەلەلەر تۋرالى پىكىر الماستى.
