قازاقتىڭ تۇڭعىش سكريپكاشىسى ءالىم المات ومىردەن ءوتتى
1917 -جىلى اقتوبە وبلىسى ىرعىز اۋدانىندا دۇنيەگە كەلگەن ونىڭ ءومىرى - ەلىمىزدىڭ تاريحىنىڭ ەڭ اشى، قيلى- قيلى كەزەڭدەرىنە سايكەس كەلدى.
1936 -جىلى ماسكەۋدە وتكەن قازاق ونەرىنىڭ تۇڭعىش دەكاداسىنا قاتىسقان. ءالىم الماتتىڭ سكريپكااعا دەگەن تالانتىن تەمىربەك جۇرگەنوۆ اشقان. ەكىنشى دۇنيەجۇزىلىك سوعىسقا قاتىسىپ، تۇتقىنعا تۇسكەن.
پاريجدە مۇستافا شوقايدىڭ جۇبايى ماريامەن ارالاسقان. كەيىن مۇستافا شوقايدىڭ مۇراسىن ايەلى ماريا ءالىم الماتقا امانات ەتىپ تاپسىرعان.
وتانىنا ورالماسا دا، ول قازاقستانمەن بايلانىسىن ۇزبەگەن، كەلىپ تۇرعان. قازاقستاندىق جۋرناليسكە بەرگەن ءبىر سۇحباتىندا 94 جاستا بولعاندا ءالىم المات بىلاي دەگەن ەكەن:
«مەن قارتايدىم. ناشار ەستىپ، كورۋىم ناشارلاسا دا ينتەرنەت نەمەسە تەلەديداار ارقىلى وتانىمداعى جاڭالىقتاردن حاباردار بولىپ وتىرامىن ەلىمنىڭ جەتىستىگى مەنى قۋانتپاي قويمايدى. قازاق بولعانىما ماقتانامىن. 20 جىلدا قازاقستان جەتكەن جەتىستىككە، كەز كەلگەن ەل جەتە المايدى. ونىڭ بارلىعىن نۇرسۇلتان ءابىش ۇلى نازاربايەۆتىڭ ەڭبەگى وتە زور. قاازاقستاندى ودان دا جارقىن بولاشاق كۇتىپ تۇرعانىنا سەنىمدىمىن»- دەپتى قازاقتىڭ تۇڭعىش سكريپكاشىسى.
«وسىنداي اتى اڭىزعا اينالعان قانداسىمىزبەن قوشتاسۋ راسىمىنە ءبىزدىڭ ۇكىمەت پەن زيالى قوعام وكىلدەرى ات سالىسۋى ءتيىس! اتامىز تۋعان اقتوبە وبلىسىنىڭ اكىمدىگى دە بۇل ساۋاپتى شارۋاعا ارالاسسا، ارتىق بولماس ەدى»، - دەيدى بەلگىلى جۋرناليست ءامىرجان قوسان.
