قۇرىلعانىنا جارتى جىل بولعان ۇلتتىق كومپانيا تۋريزمدى قالاي دامىتپاق
«Kazakh Tourism» كومپانياسىنىڭ نەگىزگى ميسسياسى - قازاقستاننىڭ تۋريستىك الەۋەتىن كوتەرۋ، وسى سالاداعى ونىمدەردى حالىقارالىق نارىقتاردا كەڭىنەن ناسيحاتتاۋ. 2023 -جىلعا قاراي ءبىزدىڭ كومپانيا تۋريزم يندۋسترياسىنىڭ بەدەلدى مۇشەسىنە اينالىپ، وسى سالاعا ينۆەستيتسيانى كوپتەپ تارتاتىن بولادى»، - دەدى ر. كۇزەمبايەۆ بۇگىن شۋچينسك- بۋراباي كۋرورتتىق ايماعىن دامىتۋ ماسەلەلەرىنە ارنالعان جيىندا.
ونىڭ ايتۋىنشا، جاڭا كومپانيانىڭ نەگىزگى مىندەتى - تۋريزم سالاسىنا اقشا تارتۋ، قازاقستاندىق ونىمدەرگە ماركەتينگ جاساۋ، اقپاراتتىق- ساراپتامالىق جۇمىس جاساۋ جانە وسى سالاداعى سۋبەكتىلەردىڭ بىلىكتىلىگىن ارتتىرۋ.
«تۋريزم سالاسىنا ينۆەستيتسيا تارتۋ جاعىنان ۇلكەن ءارى ماڭىزدى جوبالارعا باسىمدىق بەرىلەدى. «Kazakh Tourism» كەيبىر جوبالاردى بىرلەسىپ قارجىلاندىرۋدى دا جۇرگىزەتىن بولادى. ءبىز ءبىرقاتار ۇلكەن جوبالاردى انىقتادىق. سونىڭ ىشىندە شۋچينسك- بۋراباي كۋرورتتىق ايماعىنا كىرەتىن ۇلكەن شاباقتى مەن تەكەكول ماڭايىنداعى قۇرىلىستار دا بار»، - دەپ اتاپ كورسەتتى كومپانيا باسشىسى.
«Kazakh Tourism» كومپانياسى قازاقستاننىڭ تۋريزم سالاسىنداعى ۇلتتىق ءونىمىن قالىپتاستىرۋعا دەن قويادى. ول ءۇشىن تۋريزمنىڭ ناقتى ءتورت تۇرىنە باسىمدىق بەرىلەدى. سونىڭ ىشىندە ەكولوگيالىق جانە ەتنوتۋريزم بار. سەبەبى ەلىمىزدىڭ باي تابيعاتى مەن حالقىمىزدىڭ تۇرمىس سالتى ارقاسىندا ءدال وسى ەكى باعىتتى جان- جاقتى دامىتۋعا بولادى.
ايتا كەتەيىك، بۇگىنگى جيىندا بۋرابايدا اشىلاتىن جاڭا نىساندار تانىستىرىلدى. ال ق ر مادەنيەت جانە سپورت ءمينيسترى ارىستانبەك مۇحامەدي ۇلى بۋرابايدى لاس- ۆەگاسقا اينالدىرۋدىڭ جولىن ۇسىندى.
اۆتور: ارمان اسقاروۆ
