موڭعوليالىق قازاق قازاقستاندىق كيكبوكسينگ شەبەرلەرىن رينگكە شاقىردى

استانا. قازاقپارات - كاسىپقوي كيكبوكستان موڭعوليانىڭ بىرنەشە دۇركىن چەمپيونى، الەم چەمپيوناتىنىڭ قولا جۇلدەگەرى يسلاماللابەك شاياحمەت ۇلى 65-70 كەلى سالماق دارەجەسىندە ونەر كورسەتەتىن قازاقستاندىق ارىپتەستەرىن رينگكە شاقىردى، دەپ حابارلايدى «قازاقپارات» ءتىلشىسى kaznews.mn پورتالىنا سىلتەمە جاساپ.

موڭعوليالىق كيكبوكسشىنىڭ وسىلايشا، قازاقستاندىق ارىپتەستەرىمەن دە باعىن سىناماق ەكەن.

«ونىڭ ايتۋىنشا، قازاقستاندا كيكبوكسينگ جاقسى دامىعان. سوندىقتان باعىمدى سىناپ كورگىم كەلەدى. قازاقستاندىق سپورتشىلار تاراپىنان ۇسىنىستار كەلىپ تۇسسە شارشى الاڭدا جەكپە-جەك وتكىزۋگە دايىنمىن، دەيدى» دەپ جازادى اتالعان اقپارات كوزى.

يسلاماللابەك شاياحمەت ۇلى وتكەن اپتادا ۇلانباتىر قالاسىندا موڭعوليانىڭ ۇزدىك كيكبوكسشىلارى اراسىندا وتكەن سايىستا ەكىنشى ورىن يەلەنگەن.

اۆتورى: بەيسەن سۇلتان ۇلى