قىتاي مەديتسينا تاريحىندا جاڭالىق اشتى

 استانا. قازاقپارات - قىتايدا بەس بىردەي بالا ءۇش ولشەمدى ۇلگىدەگى ءتىرى مۇشە رەتىندە جاسۋشامەن قابىساتىن قۇلاقتارىمەن تانىستى.

تانىستى دەپ وتىرعانىمىز، بالالار قۇلاقتارىنان كەم بولىپ تۋعان. قىتاي مەديتسيناسى ولارعا جاڭا قۇلاق سالۋ وپەراتسياسىن ءساتتى اياقتاپ، بۇكىل مەديتسينا تاريحىنداعى جاڭالىق اشىپ وتىر. 6-9 جاس ارالىعىنداعى بالالاردىڭ دەنى قۇلاقتارىنىڭ كەم تۋۋ دەرتىمەن اۋىرعان. انوماليا سالاسى زەردەلەي كەلىپ، بالالاردىڭ قۇلاعىن قالپىنا كەلتىرۋگە بولماسا دا، وعان سىرتتان ءتىرى ورگانيزم رەتىندەگى جاڭا قۇلاقتى ورنالاستىرۋعا بولاتىنىن انىقتادى. تىگۋشى ينجەنەرلەر مەن پلاستيكالىق وپەراتسيا جاساۋشى حيرۋرگ ماماندار ءوز كەزەگىندە بۇل جاڭالىقتىڭ تەك بالالارعا ەمەس، ۇلكەندەر اراسىنداعى دا ءدال وسىنداي دەرتپەن كۇرەسۋىنە كومەكتەسە الاتىنىن العا تارتتى.

«حيرۋرگيالىق جولمەن جاسالعان ساپالى جانە جاڭا ءادىس ارقىلى كەلگەن شەمىرشەك قۇلاق ءتىنى مەديتسينا تاجىريبەسىندە ۇلكەن سىلكىنىس جاسادى» ، -  دەپ جازدى عالىمدار وزدەرىنىڭ ماقالالارىندا.

 عالىمدار الدىمەن حوندروتسيت دەپ اتالاتىن شەمىرشەك جاسۋشالارىن جينادى، سودان كەيىن بارىپ جاسۋشانى ورنالاستىرۋ جۇمىسىن جاسادى. كومپيۋتەرلىك توموگرافيا ارقىلى ءۇش ولشەمدى قۇلاق ۇلگىسىن جاساپ، ونىڭ اينالاسىنا وسەتىن جانە ورگانيزمگە سىڭىسەتىن جاسۋشالاردى ورنالاستىردى. ناتيجەسىندە عالىمدار حيرۋرگيالىق وپەراتسيا ارقىلى جاڭا قۇلاقتى يمپلانتاتسيالادى. جالپى جاڭا ورگانداردى ءوسىرۋ تەحنولوگياسى بۇرىننان بار، تەك بۇل جولعىسى وتە ءساتتى جانە قاتەلىكسىز شىقتى. ال قۇلاقتىڭ جاڭا ۇلگىسى وسىدان 30 اي بۇرىن يمپلانتاتسيالانعان.

 Massaget.kz