وتاندىق دارىگەرلەر بۇيرەك قىزمەتى بۇزىلعان ناۋقاسقا بىرەگەي وپەراتسيا جاسادى

استانا. قازاقپارات - وتاندىق دارىگەرلەر بىرەگەي وپەراتسيا جاساپ، ەس ءتۇزسىز جاتقان ناۋقاسقا كومەك بەردى. قازىرگى ۋاقىتتا ونىڭ جاعدايى قالىپتى. مۇنداي ساپالى مەديتسينالىق قىزمەت قازاقستان رەسپۋبليكاسى پرەزيدەنتى ءىس باسقارماسى كلينيكالىق اۋرۋحاناسىندا پورتال ارقىلى تەگىن كورسەتىلەدى.

 ناۋقاس ءبىر اپتا بۇرىن اۋىر حالدە اۋرۋحاناعا تۇسكەن. اعزاسىندا قانت مولشەرى كوتەرىلىپ، قان قىسىمى تومەندەپ كەتكەن. وسىنىڭ سالدارىنان بۇيرەك قىزمەتى دە بۇزىلعان.

 ەلميرا مانابايەۆا، ق ر پ ءى ب ورتالىق كلينيكالىق اۋرۋحاناسىنىڭ مەدبيكەسى:

-  اۋراحاناعا تۇسكەن كەزدە ەس ءتۇزسىز، جاعدايى وتە اۋىر بولدى. ءبىزدىڭ دارىگەرلەردىڭ شۇعىل ءارى دۇرىس شەشىمدەرىنىڭ ارقاسىندا دەر كەزىندە ەمدەۋ شارالارى جاسالدى.

«ناۋقاستىڭ تەز ارادا ەسىن جيۋىنا مۋلتيفيلترات قۇرىلعىسى كومەكتەستى»، -  دەيدى دارىگەرلەر. مەديتسينانىڭ سوڭعى جەتىستىگى ناۋقاستىڭ اعزاسىنداعى ۋلى زاتتاردى شىعارىپ، بۇيرەك جۇمىسىنىڭ تەز قالىپقا كەلۋىن قامتاماسىز ەتەدى.

جولىمبەت تولەۋوۆ، جوعارى دارەجەلى دارىگەر:

 -  مۋلتيفيلترات دەيدى سونى. 4-5 تاۋلىك قولدانۋ ارقىلى بۇل كىسىنىڭ جاعدايى قازىر جاقسارعان، ءوزى تاماق ىشەدى، ءوزى سويلەيدى، تۋىسقاندارىن تانيدى. ميىنىڭ جۇمىسى، وكپەسىنىڭ جۇمىسى، بۇيرەگىنىڭ جۇمىسى قالپىنا كەلىپ، قازىر امان- ەسەن جالپى ەمدەۋ بولىمىنە اۋدارامىز.

 ايتا كەتەيىك، مۇنداي ساپالى مەديتسينالىق قىزمەت قازاقستان رەسپۋبليكاسى پرەزيدەنتى ءىس باسقاراماسى ورتالىق كلينيكالىق اۋرۋحاناسىندا تەگىن كورسەتىلەدى.

جولىمبەت تولەۋوۆ، جوعارى دارەجەلى دارىگەر:

 -  قازاقستان ازاماتى دارىگەردى تاڭداي الادى، كلينيكانى تاڭداي الادى، ەمدەۋ ورنىن تاڭداي الادى. بىزدە شەكتەۋ جوق. تەك قانا قازاقستان ازاماتى بولسا بولدى. بۇرىن جانساقتاۋ بولىمىندە جاتقان ناۋقاسقا بۇيرەك جۇمىسىن جاقسارتاتىن مۇنداي قۇرىلعىنى قوسۋ مۇمكىن بولماعان. جىلجىمالى اپپارات ارقاسىندا دارىگەرلەر سوڭعى ەكى ايدا 15 ادامنىڭ ساۋىعۋىنا كومەكتەسكەن.

www.24.kz