تۇركيا پرەزيدەنتى نۇرسۇلتان نازاربايەۆتى انكاراعا شاقىردى

استانا. قازاقپارات - ەلباسى نۇرسۇلتان نازاربايەۆ تۇركيا رەسپۋبليكاسىنىڭ پرەزيدەنتى رەجەپ تاييپ ەردوعانمەن تەلەفون ارقىلى سويلەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

مەملەكەتتەر باسشىلارى اڭگىمەلەسۋ بارىسىندا ەكىجاقتى ىنتىماقتاستىق پەن وڭىرلىك كۇن تارتىبىندەگى وزەكتى ماسەلەلەردى، سونىڭ ىشىندە سيرياداعى قازىرگى احۋالدى تالقىلادى.

ەكى ەل كوشباسشىلارى تۇركىتىلدەس مەملەكەتتەر ىنتىماقتاستىعى كەڭەسىنىڭ كەزەكتى ءسامميتى جونىندە پىكىر الماستى.

ر. ەردوعان نۇرسۇلتان نازاربايەۆتى قازاقستان مەن تۇركيا اراسىنداعى جوعارى دەڭگەيدەگى ستراتەگيالىق كەڭەستىڭ كەزەكتى وتىرىسىنا قاتىسۋ ءۇشىن انكاراعا شاقىردى.

تەلەفون ارقىلى سويلەسۋگە تۇركيا جاعى باستاماشى بولدى.