ماسكەۋدىڭ كرەمل سارايىندا «ءۇشقوڭىر» ءانى شىرقالادى

 ماسكەۋ. قازاقپارات - بۇگىن رەسەي استاناسىنداعى كرەمل سارايىندا قازاقستاندىق انشىلەردىڭ قاتىسۋىمەن رەسەي مەن تاتارستاننىڭ حالىق ءارتىسى رەنات يبراگيموۆتىڭ مەرەيتويلىق كونسەرتى وتەدى، دەپ حابارلايدى قازاقپارات ءتىلشىسى.

كونسەرتتە روزا رىمبايەۆا مەن تانىمال ءانشى ەرجان نۇرعاليەۆ جانە رەنات يبراگيموۆ تريوسى ەلباسى نۇرسۇلتان نازاربايەۆتىڭ سوزىنە جازىلعان « ءۇشقوڭىر» ءانىن شىرقايتىنى بەلگىلى بولدى.

سونداي- اق، «پو موريۋ جيزني» دەپ اتالاتىن اۆتوبيوگرافيالىق كىتاپ جەلىسىنىڭ نەگىزىندە دايىندالعان مەرەكەلىك باعدارلاماعا ايگىلى ءانشىنىڭ الىس جانە شاقىن شەتەلدەگى دوستارى مەن ارىپتەستەرى قاتىسادى

ولاردىڭ اراسىندا الەكساندرا پاحمۋتوۆا، مارات باشاروۆ، ولگا كابو، ەۆگەني ۆوسكرەسەنسكي، روزا رىمبايەۆا، اناتولي يارمولەنكو («سيابرى» ) ، فارۋح زاكيروۆ («ياللا» ) ، دينا گاريپوۆا، ماري كارنە، مارگاريتا پوزويان، ەرجان نۇرعالييەۆ، كسانا سەرگيەنكو، «تەنورا ححى ۆەكا» ۇجىمى، Kazan World جانە باسقا دا كوپتەگەن انشىلەر بار.

جۋىردا اتالعان كونتسەرتكە قاتىسۋشىلار ەرەكشە قۇتتىقتاۋ جاسادى. انشىلەردىڭ بارلىعى قوسىلىپ رەنات يبراگيموۆتىڭ العاشقى «ناش گورود» ءانىن ورىنداعان ەدى.

 اۋقىمدى كونسەرت بۇگىن كەشكە كرەمل سارايىندا وتەدى. ءان كەشىن تاتارستان رەسپۋبليكاسىنىڭ كامەرالىق حورى مەن ر ف ف ق ق ورتالىق شەكارا ءانسامبلى سۇيەمەلدەيدى.