جابىق كەشەندەگى ازيا چەمپيوناتى: ەرلەر ايەلدەر جارىسىن كورە المايدى
اتالعان حابارلامادا «دودانىڭ ەرەكشەلىگى، قىزدار اراسىنداعى سايىس كەزىندە مانەجدە ەر ادام بولماۋى ءتيىس. اتالعان ەرەجە تەك سپورتشىلارعا عانا ەمەس، تورەشى، تەحنيكالىق قىزمەتكەرلەر، باپكەرلەرگە دە قاتىستى»، - دەپ اشىق كورسەتىلگەن.
سوندىقتان تاڭەرتەڭنەن تۇسكە دەيىن قىزدار، ال تۇستەن كەيىن جارىس جولىنا ەرلەر شىعادى. ال ارۋلارىمىز ەرلەر اراسىنداعى باسەكەنى كورەرمەن رەتىندە تاماشالاي الادى. ءبىراق يران يسلام رەسپۋبليكاسىنىڭ نورماسىنا سايكەس، مىندەتتى تۇردە ورامال تاعىپ جابىق كيىنىپ بارۋى ءتيىس. ال ەرلەر ايەلدەردىڭ جارىسىن كورۋگە مۇلدەم رۇقسات جوق.
يران استاناسىنداعى جابىق كەشەندەگى ازيا چەمپيوناتىندا قىزدارىمىز 13 سايىستىڭ 11 ىندە ونەر كورسەتەدى - 60، 400، 1500، 3000 مەترگە جۇگىرۋ، 60 مەترگە توسقاۋىلدار ارقىلى جۇگىرۋ، 4x400 مەترلىك ەستافەتا، بيىكتىككە، ۇزىندىققا، ءۇش قارعىپ جانە سىرىقپەن سەكىرۋ، بەسسايىس.
جارىس كەزىندە قىزدارعا ۇلتىق قۇرامانىڭ اعا باپكەرلەرى ليۋبوۆ نيكيتەنكو، تاتيانا نازاروۆا جانە ماريا وۆچيننيكوۆانىڭ جەكە باپكەرى لاريسا يۆشينا كومەكتەسەتىن بولادى.
اۆتور: كۇنسۇلتان وتارباي
