قازاقستاننىڭ اۆياتسيالىق قاۋىپسىزدىك دەڭگەيى جوعارىلادى - كوميتەت

استانا. قازاقپارات - قازاقستان حالىقارالىق ازاماتتىق اۆياتسيا ۇيىمىنىڭ (ي ك ا و) اۆياتسيالىق قاۋىپسىزدىك بويىنشا اۋديتىنەن تابىستى ءوتتى، دەپ حابارلايدى قازاقپارات.

قازاقستان اۆياتسيالىق قاۋىپسىزدىك سالاسىندا حالىقارالىق ستاندارتتارعا سايكەستىگىنىڭ جوعارعى دەڭگەيدە ەكەنىن دالەلدەدى.

«ق ر ي د م ازاماتتىق اۆياتسيا كوميتەتىنىڭ ي ك ا و تالاپتارىنا سايكەستىگى رەسمي تۇردە %83  دى قۇرادى، بۇل 2009-جىلعى كورسەتكىشپەن سالىستىرعاندا (%62) %21  عا جوعارىلاعان. قازاقستاننىڭ جاڭا كورسەتكىشى ورتاشا الەمدىك دەڭگەيدەن (%72) %11- عا اسىپ تۇر»، - دەلىنگەن ۆەدومستۆونىڭ Facebоok-تەگى رەسمي پاراقشاسىندا.

ي ك ا و اۋديتى - مەملەكەتتىڭ ازاماتتىق اۆياتسيا سالاسىنىڭ قاۋىپسىزدىك جۇيەسىن باعالاۋدا وبەكتيۆتى قۇرالداردىڭ ءبىرى.

2009-جىلى جۇرگىزىلگەن اۋديت كەزىندە 299 ماسەلە قارالعان بولاتىن. بۇل اۆياتسيالىق قاۋىپسىزدىك ماسەلەلەرى بويىنشا يكاو تالاپتارىنىڭ كۇشەيتىلگەنىن كورسەتەدى.

«مەملەكەتتەردىڭ يكاو تەكسەرىسىنەن ءوتۋى قيىنداپ تۇرعان تۇستا، حالىقارالىق ساراپشىلاردىڭ تاراپىنان قازاقستاننىڭ جوعارى باعا الۋى - ماڭىزدى سانالادى. 2017-جىلعى اۋديت قورىتىندىسى بويىنشا اۆياتسيالىق قاۋىپسىزدىك دەڭگەيى بويىنشا قازاقستان الەمدەگى وزىق ەلدەر قاتارىنان ورىن الدى»، - دەلىنگەن حابارلامادا.