پحەنچحاندا ەرتەڭ «وليمپياداعا قوش كەلدىڭىزدەر» اتتى رەسمي شارا وتەدى

استانا. قازاقپارات - وڭتۇستىك كورەيانىڭ پحەنچحان قالاسى 1- اقپان كۇنى وليمپياداشىلارعا «وليمپياداعا قوش كەلدىڭىزدەر!» اتتى رەسمي شارا وتكىزەدى، دەپ حابارلايدى قازاقپارات ءتىلشىسى.

بۇل تۋرالى اتالعان ەلدىڭ وليمپيادا ويىندارىن ۇيىمداستىرۋ كوميتەتى مالىمدەدى. اتالعان اقپاراتتا «وليمپيادا قالاشىعىنا قوش كەلدىڭىزدەر! اتتى ارنايى ءىس شارا 1- اقپان، ياعني بەيسەنبى كۇنى جەرگىلىكتى ۋاقىت بويىنشا ساعات 14:00-دە باستالادى»، - دەپ كورسەتىلگەن.

وسىعان دەيىن حابارلاعانىمىزداي، قازاقستاندىق سپورتشىلاردىڭ العاشقى لەگى پحەنچحانعا 1- اقپان كۇنى بارىپ ورنالاسا باستايدى. ال سوڭى 7- اقپانعا دەيىن جەتىپ بولۋى ءتيىس. بۇل كۇنى وليمپيادا قالاشىعىندا قازاقتىڭ كوك بايراعى كوتەرىلەدى.

ەستەرىڭىزگە سالا كەتەيىك، قازاقستان قۇراماسى وليمپياداعا 57 جولداما جەڭىپ العان بولاتىن. وتانداستارىمىز سپورتتىڭ 9 تۇرىنەن سىنعا تۇسەدى. وليمپيادا ويىندارى اقپاننىڭ 9-25 ارالىعىندا وتەدى.

اۆتور: كۇنسۇلتان وتارباي