07:16, 31 - قاڭتار 2018 | GMT +6
رەسەيدە شىعىستىڭ جازبا مادەنيەتىن وقىتاتىن ءبولىم اشىلادى
استانا. قازاقپارات - رەسەي اكادەميالىق شىعىستانۋىنىڭ 200 جىلدىعىنا وراي قازان فەدەرالدىق ۋنيۆەرسيتەتىندە شىعىستىڭ جازبا مادەنيەتى كافەدراسى اشىلادى، دەپ حابارلايدى قازاقپارات TWESCO سايتىنا سىلتەمە جاساپ.
رەسەي عىلىم اكادەمياسىنىڭ شىعىس قولجازبالارى ينستيتۋتى جانىنان اشىلاتىن كافەدرا ءوز جۇمىسىن بيىلعى قىركۇيەك ايىندا باستايدى دەپ جوسپارلانىپ وتىر.
مامانداردىڭ ايتۋىنشا، كافەدرادا شىعىستانۋ سالاسىنىڭ ۇزدىك وقىتۋشىلارى مەن زەرتتەۋشىلەرى ءدارىس بەرەتىندىكتەن عالىمدار جانە ستۋدەنتتەرگە ىزدەنۋگە ۇلكەن مۇمكىندىك اشىلادى. سونىمەن قاتار، كافەدرادان ماماندار ءوز بىلىكتىلىكتەرىن ارتتىرا الادى.
