بەلگىلى ساراپشى ءدىن تۋرالى زاڭ جوباسىنداعى شەكتەۋلەرگە پىكىر ءبىلدىردى
«زاڭ جوباسى ادام قۇقىقتارى سالاسىندا بارلىق حالىقارالىق پاكتىلەرگە، ادام قۇقىقتارى مەن نەگىزگى بوستاندىقتارىن قورعاۋ تۋرالى ەۋروپالىق كونۆەنسياعا، قازاقستان رەسپۋبليكاسىنىڭ كونستيتۋتسياسىنا سايكەس كەلەدى. سەبەبى زاڭ جوباسىنداعى بارلىق شەكتەۋلەر كونستيتۋتسيانىڭ 39-بابىندا كورسەتىلگەن. بۇل ءوز كەزەگىندە سالادا قىزمەت ەتىپ جۇرگەن زاڭگەرلەرگە تۇسىنىكتى. اتاپ ايتقاندا، ۇلتتىق قاۋىپسىزدىككە ەرەكشە ەكپىن قويىلىپ تۇرعانىن بىلەمىز. ياعني، بۇل باعىتتاعى قادامدار نە ءۇشىن كەرەك ەكەنىن ءبىز تۇسىنەمىز. سەبەبى قاۋىپسىزدىك باعىتىنداعى شارالاردىڭ بارلىعى حالىقارالىق لاڭكەستىكتىڭ، لاڭكەستىك اكتىلەردىڭ الدىن الۋعا تىكەلەي بايلانىستى»، - دەدى ساراپشى.
م. باشيموۆ بالالاردى دەسترۋكتيۆتى ءدىني اعىمداردىڭ ىقپالىنان قورعاۋ وتە ماڭىزدى ەكەنىن قاداپ ايتتى. وسى ورايدا ول بارلىق دامىعان ەلدەردە دە قاۋىپسىزدىك تۇرعىسىندا ءتيىستى شەكتەۋلەر بار ەكەنىن ەسكە سالىپ ءوتتى.
بۇدان بۇرىن حابارلانعانداي، قازاقستاندا دەسترۋكتيۆتى ءدىني اعىمداردىڭ ەرەكشە بەلگىلەرىن قالىڭ بۇقاراعا ناسيحاتتاپ، كورسەتۋگە تىيىم سالىنادى.
«دەسترۋكتيۆتى ءدىني اعىمدار» جانە «ءدىني راديكاليزم» اتتى جاڭا تۇسىنىكتەر ەنگىزىلەدى. ولاردى ەنگىزۋ ءدىن سالاسىندا دەسترۋكتيۆتى قىزمەتتى ايقىنداۋعا ءارى وعان باعا بەرۋگە مۇمكىندىك بەرەدى. سونىمەن قاتار ۇسىنىلىپ وتىرعان قۇجاتتا دەسترۋكتيۆتى ءدىني اعىمداردىڭ اتريبۋتتارىن جانە سىرتقى بەلگىلەرىن پايدالانۋعا ءارى جالپى تۇردە جاريالاۋعا تىيىم سالۋ قاراستىرىلعان»، - دەپ ناقتىلادى نۇرلان ەرمەكبايەۆ زاڭ جوباسىن تانىستىرۋ كەزىندە.
ايتا كەتەيىك، بۇگىن پارلامەنت ماجىلىسىندە «ق ر كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ» تۋرالى زاڭ جوباسى تانىستىرىلدى. وسى ورايدا قۇجاتتا العاش رەت «دەسترۋكتيۆتى ءدىني اعىم» جانە ء«دىني راديكاليزم» سياقتى ۇعىمداردىڭ زاڭدى انىقتاماسى ەنگىزىلىپ وتىر.
اۆتور: رۋسلان عابباسوۆ
