تانىمال قازاقستاندىق اكتەر ا ق ش- تا «سپورتتىق وسكارعا» يە بولدى - فوتو

استانا. قازاقپارات - تانىمال قازاقستاندىق اكتەر سانجار ءمادي ا ق ش- تا «سپورتتىق وسكار» سىيلىعىنىڭ يەگەرى اتاندى، دەپ حابارلايدى «قازاقپارات» ح ا ا ءتىلشىسى.

«تۇڭعىش رەت نيۋ- دجەرسي، اتلانتيك سيتيدە بولىپ تۇرمىن. جاڭا جىل باستالعالى العاشقى جۇمىس ساپارىندا كينودا سپورتتى ناسيحاتتاعانىم ءۇشىن «سپورتتىق وسكار» سىيلىعىن تابىستاپ جاتىر. كۇتپەگەن سىيلىق. البەتتە، ەڭبەگىم سىڭگەن ءارتىس بولماسام دا، بۇل وتە قۇرمەتتى سىي. ارى قاراي كورە جاتارمىز. جاڭا جىلدا وتە قىزىقتى جوبالار جەتەرلىك، ءبىراق ازىرگە نيۋ- يورككە قايتىپ بارامىن»، - دەپ جازدى اكتەر Facebook پاراقشاسىندا.

«سپورتتىق وسكار» سىيلىعىن تابىستاۋ ءراسىمى جىل سايىن نيۋ- دجەرسي شتاتىنداعى اتلانتيك- سيتي قالاسىندا وتكىزىلەدى. اكتسياعا بۇكىل الەمنىڭ بەلگىلى ساياساتكەرلەرى مەن بيزنەسمەندەرى، سپورتشىلارى قاتىسادى. «سپورتتىق وسكار» - ايقاس ونەرى مەن جەكپە-جەك سالاسىندا وتكىزىلەتىن حالىقارالىق ايتۋلى وقيعالاردىڭ قاتارىنا جاتادى. مۇنداي قۇرمەتتى سىيلىقتى 2012 -جىلى تۇڭعىش رەت بەلگىلى بيزنەسمەن، «بەس قارۋ» مەن دجيۋ- دجيتسۋ فەدەراتسياسىنىڭ پرەزيدەنتى داۋرەن مۇسا العان.

سانجار ءمادي - قازاقستان مەن رەسەيگە وتە تانىمال اكتەر، پروديۋسەر ءارى رەجيسسەر.1986 -جىلى الماتىدا دۇنيەگە كەلگەن. «حود كونەم»، «سكاز و روزوۆوم زايسە»، «يولكي 2»، «زاشيتنيكي» سەكىلدى بەلگىلى كينوكارتينالارعا تۇسكەن.