قازاقستان ءتول قۇجاتى - ساياحاتتاردىڭ الەمدىك رەيتينگىندە
ەڭ ءوتىمدى ءتول قۇجات يەسى 2017-جىلداعى سەكىلدى گەرمانيا ازاماتتارى بولىپ قالدى. گەرمانيا ازاماتتارى ءۇشىن ۆيزاسىز ەلدەردىڭ سانى 158 دەن 161 گە دەيىن ارتتى.
2-ورىنداعى سينگاپۋردىڭ ءتول قۇجاتى بار ادام 160 ەلگە ۆيزا راسىمدەمەي بارا الادى. رەيتينگىنىڭ ەكىنشى ورنىن، سونىمەن قاتار دانيا، شۆەتسيا، فينليانديا، يتاليا، فرانسيا، يسپانيا، وڭتۇستىك كورەيا ەلدەرى دە ءبولىسىپ تۇر.
ۋكراينا 30 ورىندا تۇر. كيەۆ 122 ەلمەن ۆيزاسىز رەجيم ەنگىزگەن.
ازاماتتارىنا 109 ەلگە ۆيزاسىز بارۋعا مۇمكىندىگى بار رەسەي 42-ورىننان 40-ورىنعا كوتەرىلدى.
108 ەلمەن ۆيزاسىز رەجيم ورناتقان تۇركيا 41-ورىنعا تابان تىرەدى.
مولدوۆا مەن گرۋزيا 42-ورىندا، بۇل ەلدەردىڭ ازاماتتارى 106 ەلگە ۆيزاسىز بارۋىنا بولادى.
قازاقستان 59-ورىندا كەلەدى. ءبىزدىڭ قولىمىزداعى ءتول قۇجات 71 ەلگە ەركىن ساياحاتتاۋعا مۇمكىندىك بەرەدى. قازاقستانمەن بىرگە بەلارۋس تا 71-ورىندا تۇر.
64 ەلگە ۆيزاسىز باراتىن ازەربايجان مەن قىتاي 65-ورىندا.
قىرعىزستان (ۆيزاسىز رەجيم ەنگىزىلگەن 59 ەل) 69-ورىندا ارمەنيامەن بىرگە تۇر.
58 ەلمەن ۆيزاسىز رەجيم ەنگىزگەن موڭعوليا 70-ورىندا بولسا، وزبەكستان، تاجىكستان، ءۇندىستان ەلدەرى 72-ورىندا (55 ەل).
تۇرىكمەنستان 77- ءشى (50)، ال ءتىزىمنىڭ سوڭعى 94-قاتارىن ازاماتتارى 25 ەلگە ەركىن باراتىن اۋعانستان قورىتىندىلادى.
