جاقىپ اسانوۆ سوتتاردىڭ نە ءۇشىن سىنعا ۇشىرايتىنىن ايتتى
«سوتتاردى نە ءۇشىن سىنايدى؟ قىلمىستىق ىستەگى باستى سىن - سوت ايىپتاۋعا بەيىمدىلىكتى جۇقتىرعان دەيدى. تەرگەۋشى ماتەريالدى جينايدى دا ولاردى دالەل دەپ تانيدى. ونىڭ دالەل نە دالەل ەمەستىگىن ايىپتاۋشى تاراپ شەشەدى. قورعاۋشى تاراپتا مۇنداي قۇقىق جوق. بۇل تەڭقۇقىلىق ۇستانىمىن بۇزادى. سوندىقتان دا ساراپشىلار دالەلدەردى پوليتسيا دا ەمەس، پروكۋرور دا ەمەس تەك سوت تانۋ قاجەت دەپ سانايدى. سوت الدىن الا دالەلدەرمەن بايلانىستى بولماۋى جانە ايىپتاۋ دايەكتەرىنە بەيىم بولماۋى قاجەت. ءىستى وقىعان كەزدەن-اق، پورتسەسسكە دەيىن سۋديادا ايىپتالۋشىنىڭ كىنالى ەكەندىگىنە پاراديگما قالىپتاسادى. ول ايىپتاۋ رۋحىن سىڭىرەدى. ودان كەيىن قورعاۋشى تاراپتىڭ دالەلدەمەسىن قابىلداۋ قيىنعا سوعادى»، - دەدى ول.
سونىمەن قاتار ول ايىپتاۋ اكتىلەرى تىلىندەگى ولقىلىقتارعا دا توقتالدى. ونىڭ ايتۋىنشا، اكتىلەر «جاسادى»، «ۇرلادى» دەپ ايىپتاۋ تۇرىندە جازىلادى. ال حالىقارالىق سوتتا ايىپتاۋشى تاراپ «بولجاۋ»، «مالىمدەۋ» سىندى سوزدەرمەن كەلتىرەدى.
«بۇل پراينينگ اسەرى دەپ اتالادى. باستاپقى دايەكتەر ادامنىڭ ودان ارعى مىنەز-قۇلقىنا ىقپال ەتەدى. بۇل رەتتە - سۋدياعا. سۋديانىڭ باسىندا پاراديگما قالىپتاسادى جانە اتالعان پاراديگمانىڭ اۆتورى ايىپتاۋشى تاراپ. بۇل جايت اقتاۋ ۇكىمدەرىنىڭ نەبارى 0,2 پايىز بولۋ سەبەبى ەمەس پە؟ مەن ايىپتاۋشى تاراپ پروكۋرور بولاتىن ىستەر جايىندا ايتىپ وتىرمىن. بۇل ۇكىمدەردىڭ 99,8 پايىزى ايىپتاۋ بولعاندىعىن كورسەتەدى. سوندىقتان ساراپشىلار سوتقا بارلىق قىلمىستىق ءىستى ەمەس، تەك قانا ايىپتاۋ اكتىسىن عانا بەرۋدى ۇسىنادى»، - دەدى جاقىپ اسانوۆ.
اۆتور: مارلان جيەمباي
