امەريكالىق كومپانيامەن كەلىسىمشارت: قازاقستاندا ەگىس كەشەندەرى قۇراستىرىلا باستايدى

كوكشەتاۋ. قازاقپارات - كوكشەتاۋدا ەلىمىزدەگى العاشقى ەگىس كەشەندەرى قۇراستىرىلا باستايدى، دەپ حابارلايدى قازاقپارات ءتىلشىسى.

ەلباسى نۇرسۇلتان نازاربايەۆتىڭ ا ق ش- قا ساپارى كەزىندە ەكى ەلدىڭ ىسكەر ازاماتتارى ءوزارا كەزدەسكەن بولاتىن. وندا «قازاقستاندىق اگرويننوۆاتسيالىق كورپوراتسياسى» ج ش س مەن ا ق ش- تىڭ «Amity Technology» كومپانياسى اراسىندا قازاقستان رەسپۋبليكاسى اۋماعىندا «Amity» ەگىس كەشەندەرىن قۇراستىرۋ جونىندە ليتسەنزيالىق كەلىسىمشارت جاسالدى.

«Amity» دەپ اتالاتىن قازىرگى زاماڭعى ەگىس كەشەندەرىنىڭ العاشقى پارتياسىن اعىمداعى جىلدىڭ ناۋرىز ايىندا شىعارۋ كوزدەلگەن. ونى وبلىسىمىزداعى «قازاقستاندىق اگرويننوۆاتسيالىق كورپوراتسياسى» ج ش س زاۋىتىندا قۇراستىرۋ جوسپارلانۋدا. قازىردىڭ وزىندە ساۋدا-ساتتىق بويىنشا قۇنى 1,5 ميلليون ا ق ش دوللارى بولاتىن 12 بىرلىك ەگىس كەشەنىن شىعارۋ تۋرالى كەلىسىمشارت جاسالدى»، - دەپ ءتۇسىندىردى وڭىرلىك كوممۋنيكاتسيالار قىزمەتىندە.

كاسىپورىننىڭ باس ديرەكتورى ولەگ بالىبيننىڭ سوزىنشە، وسىنداي يننوۆاتسيالىق جوبالاردى اشۋ ارقىلى نارىققا جوعارى تەحنولوگيالىق جابدىقتاردى شىعارۋعا، اۋىل شارۋاشىلىعى تەحنيكالارىنىڭ ءوندىرىسىن جاڭعىرتۋعا، ءوڭىردىڭ اگرويندۋستريالدى الەۋەتىن ارتتىرۋعا جول اشىلاتىن بولادى.

ەسكە سالا كەتەيىك، «قازاقستاندىق ارگويننوۆاتسيالىق كورپوراتسياسى» ج ش س اۋىلشارۋاشىلىق جانە كوممۋنالدىق تەحنيكالاردى شىعاراتىن زاماناۋي، كوپسالالى كاسىپورىن بولىپ سانالادى.

قازىر ساپاسى جوعارى وتاندىق تەحنيكاعا ەلىمىزدىڭ بارلىق وڭىرلەرىنەن سۇرانىس ارتقان. تراكتورلاردىڭ باعاسى قولجەتىمدى. ساپاسىنا كەپىلدىك بار. سوندىقتان، وتاندىق شارۋاشىلىقتار الىستان الماي، ءوز ەلىمىزدەن شىققان تەحنيكاعا تاڭداۋ جاساۋدا. وسىنىڭ ارقاسىندا كəسىپورىن ءونىم تۇرلەرىن كەڭەيتىپ، ءوندىرىس قارقىنىن ارتتىرۋدا.

اۆتور: اسلان وسپانوۆ