قىتاي مەن رەسەيدە شىعارىلعان ويىنشىقتاردان قاۋىپتى زاتتار تابىلدى - فوتو
بالالار جانە ءبىلىم بەرۋ وبەكتىلەرىن سانيتاريالىق- گيگيەنالىق قاداعالاۋ ءبولىمىنىڭ باسشىسى گۇلنار سەيىتوۆانىڭ ايتۋىنشا، 33 ويىنشىق قاۋىپسىزدىك تالاپتارىنا ساي ەمەس. دەپارتامەنت ماماندارى ءۇش سىنامادان فورمالدەگيد جانە فەنول كونسەنتراتسياسىنىڭ ايتارلىقتاي جوعارى ەكەنىن انىقتاعان.
«قىتايدا شىعارىلعان «كاراپۋز» قۋىرشاعىندا 0,4 م گ/ل فورمالدەگيد تابىلدى. رەسەيدىڭ «اەليتا» زاۋىتىندا وندىرىلگەن «ۆەسەننيايا پروگۋلكا» سىيلىعىنان تابىلعان فورمالدەگيد كونسەنتراتسياسى 0,13 م گ/ل- گە جەتتى. بۇل زات ويىنشىقتاردا 0,1 م گ/ل بولعاندا عانا رۇقسات ەتىلەدى. ال ويىنشىق قۇرامىندا 0,05 م گ/ل بولعاندا رۇقسات ەتىلەتىن فەنول مولشەرى رەسەيدىڭ «زاۆود وگونەك» كاسىپورنى شىعارعان «لياگۋشكا س لياگۋشاتامي» ويىنشىعىندا 0,09 م گ/ل ەكەنى انىقتالدى»، - دەيدى گۇلنار سەيىتوۆا.
ويىنشىقتاردى قوستانايلىق كومپانيا جەتكىزگەن. كومپانيانىڭ ءوز قويماسى جوق ەكەنى انىقتالدى، ولار تاۋاردى سايت ارقىلى ساتىپ الىپ، ساتىپ وتىرعان.
ويىنشىقتاردىڭ باسقا سىنامالارىندا ماركالاۋ قاعيدالارى بۇزىلعان. مامانداردىڭ ايتۋىنشا، مۇنداي جاعدايدا دا ءقاۋىپ جوق ەمەس. گ. سەيىتوۆا بەرگەن مالىمەتتەرگە سۇيەنسەك، تالاپقا ساي ەمەس ويىنشىقتار ءوندىرۋ بويىنشا قىتاي (%57,6) الدىنا جان سالار ەمەس. وعان ىلەسە رەسەي (%27,3)، ۋكراينا (%9) جانە بەلارۋس (%6,1) وندىرۋشىلەرى كەلەدى.
جالپى سوڭعى ەكى جىلدا ونداي ويىنشىقتاردىڭ مولشەرى س ق و- دا ايتارلىقتاي قىسقاردى.
