18:11, 24 - قاڭتار 2018 | GMT +5
نۇرسۇلتان نازاربايەۆ شاۆكات ميرزييەۆپەن تەلەفون ارقىلى سويلەستى
استانا. قازاقپارات - نۇرسۇلتان نازاربايەۆ وزبەكستان رەسپۋبليكاسىنىڭ پرەزيدەنتى شاۆكات ميرزييەۆپەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
اڭگىمەلەسۋ بارىسىندا قازاقستان پرەزيدەنتى بيىلعى 18 - قاڭتاردا اقتوبە وبلىسىندا جولاۋشىلار اۆتوبۋسىنىڭ ورتەنۋى سالدارىنان وزبەكستان ازاماتتارىنىڭ قايعىلى قازاعا ۇشىراۋىنا بايلانىستى شاۆكات ميرزييەۆكە كوڭىل ايتتى.
مەملەكەتتەر باسشىلارى ەكىجاقتى ىنتىماقتاستىقتىڭ جاعدايى مەن پەرسپەكتيۆاسىن تالقىلاپ، كۇن تارتىبىندەگى وڭىرلىك جانە حالىقارالىق وزەكتى ماسەلەلەر جونىندە پىكىر الماستى.
سوڭىندا تاراپتار الداعى كەزدەسۋلەر كەستەسىن قاراستىردى.
