17:10, 24 - قاڭتار 2018 | GMT +5
قىتايدا جاڭا «ۇلى قورعان» پايدا بولادى
استانا. قازاقپارات - بيىل قىتايدىڭ شىنجاڭ- ۇيعىر اۆتونوميالىق ولكەسىندە 5700 شاقىرىم شەكارا بويىندا شەكارا باقىلاۋى كۇشەيتىلىپ، جاڭا «ۇلى قورعان» قۇرىلادى، دەپ حابارلايدى China Daily.
شىڭجاڭداعى «ۇلى قورعان» وڭىرگە شەتەلدەن ەكسترەميزمنىڭ، سەپاراتيزم مەن تەرروريزمنىڭ كىرۋىنە جول بەرمەۋ ماقساتىندا قۇرىلماق، دەپ مالىمدەدى دۇيسەنبى ءوڭىردىڭ ءتوراعاسى شوحرات زاكير.
شەنەۋنىكتىڭ ايتۋىنشا، ەل بيلىگى ماڭىزدى وبلىستارداعى قاۋىپسىزدىكتى تولىقتاي قامتاماسىز ەتۋ ءۇشىن بار مۇمكىندىگىن پايدالانۋدا.
سونداي- اق، وڭىردەگى الەۋمەتتىك تۇراقتىلىقتى قولداۋ ءۇشىن ش ۇ ا ءو بيلىگى شەكارا اۋداندارىندا ينفراقۇرىلىمدى دامىتىپ، ينتەرنەتتەگى قاۋىپسىزدىك جانە باقىلاۋ شارالارىن كۇشەيتۋدى جوسپارلاعانى حابارلاندى.
