استانا- قوستاناي جولىنىڭ بويىنا قار ۇستايتىن قورشاۋلار ورناتىلۋدا

قوستاناي. قازاقپارات - قوستانايدا رەسپۋبليكالىق ماڭىزعا يە تاس جولداردىڭ بويىنا قار ۇستايتىن قورشاۋلار ورناتىلىپ جاتىر، دەپ حابارلايدى «قازاقپارات» ح ا ا ءتىلشىسى «قازاۆتوجول» ا ق وبلىستىق فيليالىنا سىلتەمە جاساپ.

 اتالعان مەكەمەنىڭ قوزعالىس قاۋىپسىزدىگى ءبولىمىنىڭ باستىعى ايدار حاسانوۆتىڭ ايتۋىنشا، جولداردىڭ قار الىپ قالاتىن بولىكتەرىنە بەتون قالقانشالار قويىلىپ جاتىر.

«ءبىزدىڭ فيليال وبلىستاعى رەسپۋبليكالىق ماڭىزعا يە جولدارعا جاۋاپ بەرەدى. بۇگىندە قوستاناي- اۋليەكول- سۇرعان ارالىعىنداعى تاس جولدارعا قورشاۋ قويىلۋدا. جالپى، قار كوپ الادى دەگەن ۇزىندىعى 60 شاقىرىم اۋماقتىڭ 10 شاقىرىمى قامتىلادى»، - دەدى حاسانوۆ.

ءبولىم باستىعىنىڭ سوزىنشە، وسىعان دەيىن بۇل ارالىقتاردا اعاش قورشاۋلار تۇرعان. قاتتى جەلدىڭ كەسىرىنەن ولار كوپكە شىداماعان سىڭايلى. سول سەبەپتى قورشاۋلار بەتوننان تۇرعىزىلماق. وسىعان وراي رەسپۋبليكالىق بيۋدجەتتەن 211 ميلليون تەڭگە ءبولىندى. بارلىق جۇمىستار اقپان ايىندا اياقتالادى.

فوتو: kstnews.kz

اۆتور: قاسقىرباي قويشىمانوۆ