قازاقستاندا ادەمى كولىك نومىرلەرىنىڭ قاتارى كوبەيدى

استانا. قازاقپارات - قازاقستاندىقتاردىڭ ساندارى دا، سونىمەن قاتار ارىپتەرى دە بىردەي كولىكتىڭ ادەمى ءنومىرىن تاڭداپ الۋىنا مۇمكىندىك تۋدى، دەپ حابارلايدى قازاقپارات «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسپا ءسوز قىزمەتىنە سىلتەمە جاساپ.

«ازاماتتارعا ارنالعان ۇكىمەت» كورپوراتسياسىنىڭ ىشكى ىستەر مينيسترلىگىمەن بىرگە 15- قاڭتاردان باستاپ وسىنداي قىزمەتتى ىسكە قوستى.

قازاقستاندىق اۆتوجۇرگىزۋشىلەر مەملەكەتتىك كورپوراتسيانىڭ فرونت-وفيستەرى ارقىلى سيممەتريالىق ءنومىر بەلگىلەرىن تاڭداي الادى. بۇل ءۇشىن ازاماتتار مامانداندىرىلعان حالىققا قىزمەت كورسەتۋ ورتالىقتارىندا (ح ق و) وتىنىمدەرىن راسىمدەپ، مەملەكەتتىك الىمدى تولەۋلەرى ءتيىس.

«2014-جىلدان باستاپ اۆتوكولىك يەلەرى ەل اراسىندا «اينا ءنومىر» دەپ اتالاتىن سيممەتريالىق نومىرلەردى ساتىپ الۋ مۇمكىندىگىنە قول جەتكىزگەن ەدى. ەندى ازاماتتار اقىلى تۇردە ساندار مەن ارىپتەردى ءوز قالاۋىنشا قيىستىرىپ الا الادى»، دەلىنگەن حابارلامادا.

مىسالى، تىلەك بىلدىرۋشىلەر 010، 020، 030، 077، 707 سياقتى جوعارى سۇرانىسقا يە نومىرلەرگە %5700 اەك كولەمىندە تولەيدى، ال وسىنداي تاڭداۋلى ساندارعا قوسا ارىپتەردىڭ دە سيممەتريالى بولعانىن قالاساڭىز، ونىڭ قۇنى - %11400 ا ە ك.

2017-جىلى جالپى سوماسى 1,5 ميلليارد تەڭگەگە 4500 دەن استام تاڭداۋلى ءنومىر ساتىلعان.

سونداي-اق، ەگەر ازاماتتىڭ قالاعان نومىرلىك بەلگىسى بازادا بولماسا، وندا قاجەتتى مەملەكەتتىك الىمدى تولەپ، مامانداندىرىلعان ح ق و ارقىلى تاپسىرىس بەرۋگە بولادى.