يپوتەكا بارىنشا قولجەتىمدى بولادى - جەڭىس قاسىمبەك

استانا. قازاقپارات - بۇگىن ق ر ينۆەستيتسيالار جانە دامۋ ءمينيسترى جەڭىس قاسىمبەك «نۇرلى جەر» باعدارلاماسى بويىنشا اتقارىلاتىن جۇمىستار تۋرالى ەسەپ بەردى. وسى ورايدا ول يپوتەكانى بارىنشا ارزانداتۋ ماسەلەسىنە دە توقتالدى، دەپ حابارلايدى قازاقپارات ءتىلشىسى.

ءمينيستردىڭ ايتۋىنشا، وتكەن جىلى قازاقستاننىڭ يپوتەكالىق كومپانياسى ارقىلى تۇرعىن ءۇي نەسيەلەرىن سۋبسيديالاۋ شارالارى باستالعان بولاتىن. «نۇرلى جەردىڭ» وسى باعىتى اياسىندا يپوتەكانىڭ 6 پايىزى مەملەكەت تاراپىنان وتەلەدى. سوندا ەكىنشى دەڭگەيلى بانكتەردەن الىنعان يپوتەكانىڭ جىلدىق مولشەرلەمەسى 10 پايىزدان اسپايدى.

«وتكەن جىلدىڭ ەكىنشى جارتىسىندا وتىنىشتەر قابىلدانا باستادى. سودان بەرى  1388 يپوتەكاعا ءوتىنىم بەرىلدى. سۋبسيديانىڭ جالپى سوماسى 14,2 ميلليارد تەڭگەنى قۇرادى. وسى ۋاقىتقا دەيىن  1317 ءوتىنىم ماقۇلداندى. وسى ورايدا بانك سەنتركرەديت، سبەربانك، ا ت ف پەن ۆ ت ب- نىڭ بەلسەندىلىگىن اتاپ وتكەن ءجون»، - دەدى ج. قاسىمبەك ۇكىمەتتىڭ بۇگىنگى وتىرىسىندا.

الايدا بانكتەر تاراپىنان اتالعان باعدارلاماعا ۇلكەن قىزىعۋشىلىق بولعان جوق. سەبەبى تەڭگەمەن قۇيىلعان قارجىنىڭ تاپشىلىعى بار. بۇدان بولەك، بانك زاڭناماسى دا قاتاڭ بولىپ تۇر.

«وسىعان بايلانىستى بانكتەردىڭ يپوتەكالىق نەسيەلەندىرۋ شارالارىن كۇشەيتۋ تۋرالى شەشىم قابىلداندى. سول سەبەپتى ەكونوميكانى جاڭعىرتۋ جونىندەگى ۇلتتىق كوميسسياسى قازاقستاننىڭ يپوتەكالىق كومپانياسى ارقىلى ەكىنشى دەڭگەيلى بانكتەردە 50 پايىزعا دەيىنگى قارجىنى ورنالاستىرۋدى قولدادى. قازىرگى كەزدە اتالعان مەحانيزم بويىنشا بارلىق ماسەلەلەر ۇلتتىق بانكپەن بىرگە پىسىقتالىپ جاتىر. بيىلعى جىلدىڭ باستى ماقساتى - حالىققا بارىنشا قولجەتىمدى يپوتەكانى ازىرلەۋ. وسىعان وراي، ءتيىستى مەحانيزمدەر ەنگىزىلەدى»، - دەپ اتاپ كورسەتتى ج. قاسىمبەك.

ايتا كەتەيىك، ۇكىمەتتىڭ بۇگىنگى وتىرىسىندا جەڭىس ماحمۇد ۇلى بيىل پايدالانۋعا بەرىلەتىن ارەندالىق پاتەرلەردىڭ سانىن جاريالادى.

سونداي- اق، قاي وبلىستا جەر ۋچاسكەلەرىنىڭ كوپتەپ بەرىلەتىنىن دە ايتىپ بەردى.

اۆتور: ارمان اسقاروۆ