نۇرسۇلتان نازاربايەۆتىڭ «تاۋەلسىزدىك ءداۋىرى» كىتابى - ءومىر ەنتسيكلوپەدياسى
«بۇل كىتاپتى زامانا قۇجاتى دەسەك ارتىق ايتقاندىق ەمەس. شىن مانىندە ول ءومىر ەنتسيكلوپەدياسى. ودان بۇعان دەيىن ورىن العان، بۇگىنگى كۇنى ورىن الىپ جاتقان بارلىق وقيعالاردى وقۋعا بولادى. ياعني، ءبىز وسى ءداۋىردىڭ، تاۋەلسىزدىك ءداۋىرىنىڭ قاتىسۋشىلارىمىز. نۇرسۇلتان نازاربايەۆ ءوز كىتابىندا قازىرگى قازاقستاننىڭ تاريحىن قالامگەرلىك شەبەر تالانتپەن سيپاتتاپ بەرگەن. پرەزيدەنتتى ءوز زامانىنىڭ شەجىرەشىسى دە اتاساق لايىقتى»، - دەدى اناتولي باشماكوۆ.
ونىڭ ايتۋىنشا، كىتاپ ادەبي ءارى پۋبيتسيستيكالىق تۇرعىدا كاسىبي، جاندى، انىق، جان-جاقتى جازىلعان.
«تاۋەلسىزدىك ءداۋىرى» كىتابى ساياسي انتولوگيا بولىپ تابىلادى. وندا پرەزيدەنتتىڭ ەرتەرەكتەگى جانە قازىرگى ءسوز سويلەۋلەرى مەن جاريالانىمدارى جيناقتالعان. نۇرسۇلتان نازاربايەۆ ءوز كىتابىندا وتە كۇردەلى، اۋىر كەزەڭنىڭ كۋاگەرى رەتىندە پىكىر بىلدىرەدى. 508 بەتتىك كىتاپ 4 بولىمنەن جانە 33 تاراۋدان تۇرادى»، - دەدى ول.
ا. باشماكوۆتىڭ ايتۋىنشا، قازاق جانە ورىس تىلدەرىندە جارىق كورگەن كىتاپ تاياۋ ارادا ەلىمىزدىڭ بارلىق وڭىرلەرىنە جەتكىزىلەتىن بولادى.
ايتا كەتەرلىگى، بۇگىن ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە مەملەكەت باسشىسى نۇرسۇلتان نازاربايەۆتىڭ «تاۋەلسىزدىك ءداۋىرى» كىتابىن تالقىلاۋعا ارنالعان قازاقستان حالقى اسسامبلەياسى كافەدرالارى رەسپۋبليكالىق قاۋىمداستىعىنىڭ كەڭەيتىلگەن وتىرىسى وتكەن بولاتىن. شارادا قىزىلوردادان تىكەلەي بەينە بايلانىسقا شىققان قىزىلوردا مەملەكەتتىك ۋنيۆەرسيتەتى قحا كافەدراسىنىڭ مەڭگەرۋشىسى، تاريح عىلىمدارىنىڭ كانديداتى نۇرلىبەك مىڭجاس ەلىمىزدىڭ جوعارى وقۋ ورىندارىندا وقىتىلاتىن «رۋحاني جاڭعىرۋ» پانىنە ابايدىڭ قارا سوزدەرى مەن ەلباسىنىڭ «تاۋەلسىزدىك ءداۋىرى» كىتابىن ەنگىزۋدى ۇسىندى.
اۆتور: مارلان جيەمباي
