امەريكالىق ماتچمەيكەر قانات يسلامعا الەم چەمپيونىمەن كەزدەسۋ وتكىزۋدى ۇسىندى
بۇل تۋرالى لوپەس ءوزىنىڭ Instagram پاراقشاسىندا جازدى.
«قانات يسلام، ەگەر سەن IBF تۇجىرىمىنىڭ چەمپيوندىق بەلبەۋىن يەلەنگىڭ كەلسە، دجارەتت حەردپەن كەزدەسۋىڭ كەرەك. وسى كەزدەسۋ ۇيىمداستىرايىق. اقىلداسايىق»، - دەپ جازدى لوپەس.
لوپەس وسىعان دەيىن بىرنەشە قازاقستاندىق بوكسشىلاردىڭ قاتىسۋىمەن وتكەن بوكس كەشىن ۇيىمداستىرعان Nelson Promotions پروموۋتەرلىك كومپانياسىمەن بىرگە جۇمىس ىستەيدى. ماتچمەيكەر استانا جانە الماتى قالالارىندا قانات يسلامنىڭ قاتىسۋىمەن وتكەن كەزدەسۋدى ۇيىمداستىرۋعا قاتىستى.
ايتا كەتەيىك، يسلام قازىرگى ۋاقىتتا IBF رەيتينگىندە ءبىرىنشى ورتا سالماقتاعى بوكسشىلار اراسىندا ءۇشىنشى ورىندا كەلە جاتىر.
قاراشا ايىنىڭ باسىندا WBA قانات يسلام مەن دجون ۆەرا اراسىنداعى كەزدەسۋدى ۇيىمداستىرۋ ءۇشىن بوكسشىلاردىڭ كوماندالارىنا ءبىر اي ۋاقىت بەرگەن ەدى. بوكسشىنىڭ وكىلدەرى بۇل ماسەلەنى 21- جەلتوقسانعا دەيىن شەشۋ كەرەك. كەرى جاعدايدا جەكپە-جەكتى وتكىزۋ قۇقىعى ءباسساۋداعا قويلادى.
يسلام مەن ۆەرا كوماندالارى اراسىنداعى كەلىسسوزدىڭ قالاي اياقتالعانى تۋرالى ءالى رەسمي مالىمەت شىققان جوق. ءبىراق امەريكالىق بوكسشىنىڭ كومانداسىنداعى دەرەككوزدىڭ ايتۋىنشا، قازاقستاندىق بوكسشى بۇل كەزدەسۋدەن باس تارتىپتى.
vesti.kz
