استانا اكىمدىگى ايازعا بايلانىستى جۇمىس كۇنىن قىسقارتۋدى ۇسىندى

استانا. قازاقپارات - اۋا رايىنىڭ قاتتى سۋىتۋىنا بايلانىستى استانا اكىمدىگى قالاداعى ءتۇرلى مەكەمە باسشىلارىنا قىسقارتىلعان جۇمىس كۇنىن جاريالاۋدى ۇسىندى، دەپ حابارلايدى قازاقپارات ءتىلشىسى.

«اۋا رايىنىڭ كۇرت وزگەرۋىنە بايلانىستى قايعىلى جاعدايلاردى بولدىرماۋ ماقساتىندا استانا اكىمدىگى ءورت ءسوندىرۋ قىزمەتى، جەدەل مەديتسينالىق جاردەم، استانا قالاسىنىڭ ءى ءى د، ت ج د، كوممۋنالدىق قىزمەتتەر سياقتى قالا تىرشىلىگىن قامتاماسىز ەتۋ مەكەمەلەرىنەن وزگە مەملەكەتتىك ورگاندار، ءبىلىم بەرۋ مەكەمەلەرى، كاسىپكەرلىك (بازارلار، س و س و) جانە قۇرىلىس نىساندارىنىڭ باسشىلارىنا قىسقارتىلعان جۇمىس كۇنىن جاريالاۋدى ۇسىنادى»، - دەپ جازدى استانا اكىمدىگىنىڭ باسپا ءسوز حاتشىسى ەلۆيرا جۇرگەنبايەۆا فەيسبۋكتەگى پاراقشاسىنا.

سونداي-اق، اكىمدىك بارلىق قۇرىلىس كومپانياسى مەن شاعىن جانە ورتا بيزنەستىڭ باسشىلارىنا قاتتى ايازدان جۇمىسشىلاردىڭ قاۋىپتى جاراقات الۋىنا بايلانىستى اشىق اسپان استىنداعى جۇمىستى توقتاتۋعا كەڭەس بەردى.

اۆتور: ايجان سەرىكجان قىزى