الماتى اۋەجايىندا وننان استام رەيس ۋاقىتىندا ۇشا المادى

الماتى. قازاقپارات - الماتىنىڭ حالىقارالىق اۋەجايىندا 12 رەيس ۋاقىتىنان كەشىگىپ ۇشتى، دەپ حابارلايدى قازاقپارات ءتىلشىسى اۋەجاي باسپا ءسوز قىزمەتىنىڭ فەيسبۋكتەگى پاراقشاسىنا سىلتەمە جاساي وتىرىپ.

22-23- قاڭتار ارالىعىنداعى ءبىر تاۋلىك ىشىندە تومەندەگىدەي رەيستەر ءبىرقاتار سەبەپكە بايلانىستى ۋاقىتىندا اۋەگە كوتەرىلە المادى.

اتاپ ايتقاندا، ۇشاقتىڭ كەشىگىپ كەلۋىنە بايلانىستى Air Astana كومپانياسىنىڭ الماتى- كيەۆ، الماتى- سانكت-پەتەربۋرگ، الماتى-ماسكەۋ، الماتى-بانگكوك باعىتىنداعى رەيستەرى كىدىرسە، الماتى- استانا باعىتىنداعى ۇشاق جوسپارلانعان رەزەرۆتىك ۇشاقتىڭ جەتىسپەۋشىلىگىنەن جانە الماتى-تاشكەنت رەيسى تەحنيكالىق سەبەپپەن ۇشاقتىڭ اۋىسقانىنا بايلانىستى كەشىكتىرىلگەن.

سونىمەن قاتار، «Scat» اۋەكومپانياسىنىڭ الماتى-سەمەي، الماتى-وسكەمەن، الماتى-قوستاناي، الماتى-اقتاۋ، الماتى-شىمكەنت باعىتىنداعى رەيستەرى دە ۇشاقتىڭ كەشىگىپ كەلۋىنە بايلانىستى كىدىرسە، الماتى-استانا رەيسى جوسپارلى تەحنيكالىق قىزمەتكە بايلانىستى ۋاقىتىندا ۇشا المادى.