يتاليا نارىعىندا يتتەر كيىمىنىڭ ورنى ەرەكشە
ءتىپتى ىسمەرلەر ۇجىمىنىڭ ۋليسسە اتتى سۇيىكتى مودەلى بار، ول ءاربىر جاڭا ۇلگىنى ءبىرىنشى بولىپ كيىپ كورەدى.
سيلۆيا راداەللي، كيىم ديزاينەرى:
- بىردە ءازىل رەتىندە «نەگە ءبىز ايەلدەرگە كيىم تىگەتىن ماتالاردان يتتەرگە دە تىكپەيمىز» دەپ ايتتىق. وسى اڭگىمەدەن كەيىن مەن ۋليسسەنى بىرنەشە فوتوعا ءتۇسىرىپ الىپ، قىزىق ءۇشىن فوتوعا تىك جاعالى بومبەر «شەرلوك» پالتوسىن سالدىم. وسىلايشا بۇل توپتامانىڭ العاشقى كيىمدەرى پايدا بولدى.
دجوۆاننا تەمەلليني، كيىم ديزاينەرى
- ميلان ستيلى ميلانداعى ايەلدەر ءۇشىن ادەتتەگى ستيل بولعانىمەن، قازىرگى تاڭدا بۇكىل الەمگە تانىمال بولىپ وتىر. بۇل - كيىمنىڭ بولشەكتەرىنە، ماتاسىنا باسا نازار اۋدارىلاتىن بايسالدى، وتە تالعامپاز ستيل. مەنىڭ ايەلدەرگە ارنالعان توپتامام تەك وسى ميلان ستيلىندە تىگىلدى. وعان قىزىعۋشىلىق قاشان دا جوعارى بولعان. ال قازىر يتتەرگە ارناپ تىگىلگەندىكتەن قىز- كەلىنشەكتەر قاۋىمى ەكى ەسە قۇمارتىپ وتىر.
«يتتەر كيىمىنىڭ ساپاسى ءمىنسىز بولۋى ءتيىس»، - دەيدى ديزاينەرلەر. باستىسى يەسى مەن ءتورت اياقتىنىڭ كيىمدەرى ءوزارا ءمىنسىز ۇيلەسۋى كەرەك. مۇنداي جيىنتىقتى ەلەمەي، جانىنان ءوتىپ كەتۋ قيىن.
بليتس:
- مىنا كيىمدى كيگەن كەز كەلگەن ءيت ەڭ ءسانقوي ءيت بولادى دەپ ويلايمىن. مۇندايلاردى تەك ميلاندا عانا تابۋعا بولاتىن شىعار. - بۇل كيىمدەر وتە سۇيكىمدى. ءبىز بالانى قالاي جاقسى كورسەك، يتتەرىمىزگە دە سونداي ىلتيپاتپەن قارايمىز. قازىر ۇيگە بارىپ، ءيتىمدى الىپ كەلىپ، وعان پالتو ساتىپ الامىن. ساتىلىمدا وسى تەكتەس كيىمدەر جوق، يتتەر كيىمىنىڭ نارىقتاعى ورنى ەندى تولدى.
ميلان ءسانقويلارىنىڭ اراسىندا يتتەردى جاقسى كورەتىندەر از ەمەس. ستاتيستيكا بويىنشا، ءار ءۇشىنشى يتاليالىق جانۇيانىڭ ءتورت اياقتى دوسى بار ەكەن. ەل ىشىندە 7 ميلليوننان اسا ادام ءيت اسىرايدى. يتالياندىقتاردىڭ ءۇي جانۋارلارىنا كۇتىم جاساۋ شىعىندارى جىل سايىن ءوسىپ كەلە جاتىر. بۇگىندە ول 2 ميلليارد ەۋروعا جەتكەنىن ەسكەرسەك، قازىرگى ۋاقىتتا ديزاينەرلەرگە ۇلكەن نارىقتىڭ ەسىگى ايقارا اشىلدى.
