قۇتقارۋشىلار استانا تۇرعىندارىن بالالاردى كوشەگە شىعارماۋعا شاقىردى

استانا. قازاقپارات - اۋا تەمپەراتۋراسىنىڭ كۇرت تومەندەۋىنە بايلانىستى قۇتقارۋشىلار استانا تۇرعىندارىن بالالاردى كوشەگە شىعارماۋعا شاقىردى، دەپ حابارلايدى «قازاقپارات» ح ا ا.

استانا قالاسى توتەنشە جاعدايلار دەپارتامەنتىنىڭ حابارلاۋىنشا، استانادا بۇگىن تۇندە اۋا تەمپەراتۋراسى مينۋس 35-40 گرادۋس، كۇندىز مينۋس 27-32 گرادۋس بولادى.

وسىعان بايلانىستى قۇتقارۋشىلار كۇشەيتىلگەن رەجيمدە جۇمىس ىستەيدى. ەلوردا تۇرعىندارى مەن قوناقتارىن:

- قىراعى بولىپ، اۋا رايى تۋرالى جانە وقۋ ورىندارىنداعى ساباقتار اقپاراتقا قۇلاق تۇرە جۇرۋگە؛

- اۋا رايىنا ساي كيىنۋگە؛

- مۇمكىندىگىنشە قالا سىرتىنا شىقپاۋعا؛

- بالالاردى ايازدى كۇندە كوشەگە شىعارماۋعا؛

- جىلىتۋ پەشتەرى مەن ەلەكتر قوندىرعىلارىن پايدالانعاندا ءورت قاۋىپسىزدىگى تالاپتارىن ساقتاۋعا؛

- توتەنشە جاعداي تۋىنداعاندا «112» تەلەفونىنا شۇعىل حابار بەرۋگە شاقىرادى.