شىمكەنتتە كوكتەم - قاڭتاردىڭ باسىندا اعاشتار بۇرشىك جاردى

استانا. قازاقپارات - قازاقستان اۋماعى ارقىلى اركتيكالىق انتيتسيكلون وتكەنىنە قاراماستان، شىمكەنتتە دەمالىس كۇندەرى كۇن جىلى بولدى، دەپ حابارلايدى «قازاقپارات» ح ا ا ءتىلشىسى.

20- جانە 21- قاڭتاردا اۋا تەمپەراتۋراسى 13-14 گرادۋس جىلىنى كورسەتتى. تۇندە ەڭ تومەنگى تەمپەراتۋرا -1 گرادۋسقا عانا تومەندەدى.

سينوپتيكتەردىڭ بولجامىنا قاراعاندا، بۇل اۋا رايى 23- قاڭتارعا دەيىن جالعاسادى، كەيىن كۇن سۋىتپاق.

بۇل قاڭتاردا وڭتۇستىكتەگى العاشقى كۇننىڭ جىلىنۋى ەمەس. ايدىڭ باسىندا اعاشتار بۇرشىك جارىپ، باقباق گۇلدەگەن ەدى.

ەسكە سالا كەتەيىك، ەلىمىزدىڭ سولتۇستىگى 40-45 گرادۋس ايازعا دايىندالىپ جاتىر.