ورالدا كوپقاباتتى ءۇيدىڭ تۇرعىندارى شۇعىل ەۆاكۋاتسيالاندى

ورال. قازاقپارات - ورال قالاسىندا قاڭتاردىڭ 21 ىنەن 22 سىنە قاراعان ءتۇنى كوپقاباتتى ۇيلەردىڭ بىرىنەن تۇرعىندار شۇعىل تۇردە ەۆاكۋاتسيالاندى، دەپ حابارلايدى قازاقپارات ءتىلشىسى.

الدىن الا مالىمەت بويىنشا، س. جاقسىعۇلوۆ كوشەسى 33- ءۇيدىڭ تۇرعىندارىن تۇنگى ساعات 00:15 تە وياتىپ، كيىم-كەشەك پەن وزگە دە زاتتارعا ۋاقىت جوعالتپاستان دەرەۋ سىرتقا شىعۋ بۇيىرىلعان.

ۇيقىلى-وياۋ حالىق شۇعىل دالاعا اسىققان. كەيبىرى جارىلعىش زات تۋرالى قوڭىراۋدىڭ تۇسكەنىن ايتىپ جاتتى.

كوپقاباتتى ۇيگە پوليتسيا جاساقتارى، قۇتقارۋشىلار، ورتكە قارسى قىزمەتتەر مەن جەدەل جاردەم بريگادالارى جۇمىلدىرىلدى.

رەسمي اقپارات ءالى تاراتىلعان جوق. ەۆاكۋاتسيالانعان ادامدار پاتەرلەرىنە قايتا ورالدى.