10:53, 20 - قاڭتار 2018 | GMT +5
درون العاش رەت سۋعا اعىپ بارا جاتقان بالالاردى قۇتقاردى
استانا. قازاقپارات - اۆستراليا جاعالاۋلارىندا ۇشقىشسىز ۇشاتىن قۇرىلعى سۋعا اعىپ بارا جاتقان ەكى جەتكىنشەكتى قۇتقاردى، دەپ جازادى BBC.
15 جانە 17 جاستاعى جاسوسپىرىمدەر وڭتۇستىك ۋەلس شتاتىنىڭ لەننوكس- حەد جاعاجايىنان قاۋىپتى اۋماققا ءوتىپ كەتكەن. ولار جاعالاۋدان 700 مەتر الىستاپ كەتىپ، بيىكتىگى 3 مەتر بولاتىن تولقىندارعا تاپ بولعان. ولاردى العاش بولىپ دەمالۋشىلار بايقاعان.
قۇتقارۋشىلار بىردەن دروننىڭ كومەگىنە جۇگىنگەن. درون سۋعا اعىپ بارا جاتقانداردىڭ ۇستىنەن قۇتقارۋ قۇرالدارىن تاستاعان. سونىڭ ارقاسىندا جاسوسپىرىمدەر جاعاعا امان- ەسەن جەتكەن.
وڭتۇستىك ۋەلس شتاتىنىڭ پرەمەر- ءمينيسترىنىڭ ورىنباسارى دجون باريلارو بۇل وقيعانى تاريحي دەپ اتادى.
«بۇعان دەيىن ەشقاشاندا ادامداردى قۇتقارۋ جۇمىستارىنا درون پايدالانىلمادى. بۇل العاش رەت بولدى» ، - دەدى ول.
