الداعى جەكسەنبىدە استانادا قار كۇنى وتەدى

 استانا. قازاقپارات - دۇنيەجۇزىلىك قار كۇنىنە وراي استانادا جەكسەنبى كۇنى بالالارعا ارنالعان شارالار وتەدى، دەپ حابارلايدى قازاقپارات.

«21 - قاڭتار كۇنى استانانىڭ ورتالىق پاركىندە - دۇنيەجۇزىلىك قار كۇنىنە ارنالعان بالالار اراسىندا ءتۇرلى جارىستار مەن ءىس- شارالار وتەدى» ، - دەلىنگەن قازاقستاننىڭ شاڭعى جارىسى ۇلتتىق فەدەراتسياسىنىڭ حابارلاماسىندا.

بۇل مەرەكە جىل سايىن ءبىر مەزگىلدە الەمنىڭ 30 مەملەكەتىندە حالىقارالىق شاڭعى فەدەراتسياسىنىڭ قولداۋىمەن وتەدى. مەرەكە جاستار اراسىندا شاڭعى سپورتىنىڭ تانىمالدىلىعىن ارتتىرۋ، سالاماتتى ءومىر سالتىن ناسيحاتتاۋ، قورشاعان ورتاعا قامقورلىق تانىتۋعا ۇندەيدى.

استانادا دۇنيەجۇزىلىك قار كۇنى 2013 -جىلدان بەرى اتالىپ ءوتىپ كەلەدى. وعان جىل سايىن ەلدىڭ بارلىق ايماقتارىنان 200 گە جۋىق شاڭعىمەن سىرعاناۋشىلار قاتىسادى.

مەرەكە باعدارلاماسىندا كوڭىلدى ستارتتار، بالالارعا ارنالعان شاڭعى جارىستارى، تازا اۋاداعى قىزىقتى بالالار كونكۋرستارى، توبەدەن شانامەن سىرعاناۋ، بانان مەن تيۋبينگتەردە سىرعاناۋ سياقتى شارالار بار.

شاراعا قازاقستاندىق پالۋان، گيننەستىڭ رەكوردتار كىتابىنا ەنگەن سپورتشى سەرگەي تسىرۋلنيكوۆ پەن حالىقارالىق دارەجەدەگى سپورت شەبەرى، الەم چەمپيوناتتارى مەن ۋنيۆەرسيادالاردىڭ بىرنەشە مارتە جۇلدەگەرى مارك ستاروستين شاقىرىلعان.

دۇنيەجۇزىلىك قار كۇنى شاراسىنا قاتىسۋ بارلىق بالالار ءۇشىن تەگىن.