20:34, 19 - قاڭتار 2018 | GMT +5
امەريكالىق ايەل قاتتى جوتەلەمىن دەپ قابىرعاسىن سىندىرىپ الدى
استانا. قازاقپارات - 66 جاستاعى امەريكالىق ايەل قاتتى جوتەلىپ، قابىرعاسىن سىندىرىپ العان. ول دارىگەرگە ەكى اپتا بۇرىن قۇرعاق جوتەل مەن وڭ جاق قابىرعاسىنىڭ اۋىرا باستاعانىن ايتقان.
بەس كۇننەن كەيىن ودان جوعارى تىنىس الۋ جولدارىنىڭ ۆيرۋستى ينفەكسياسىن انىقتاپ، ەم شارالارىن جۇرگىزەدى. ءبىراق ناتيجەسى كوڭىل كونشىتپەدى.
كەيىن مەديتسينالىق تەكسەرىس كەزىندە ايەلدىڭ وڭ جاق بۇيىرىندەگى ۇلكەن كولەمدەگى كوگەرگەندى بايقايدى. ءبىراق ناۋقاس ونىڭ قايدان پايدا بولعانىن نەمەسە قانداي دا ءبىر جاراقات العانىن ەسىنە تۇسىرە المادى. ال كومپيۋتەرلىك توموگرافيا امەريكالىقتىڭ وڭ جاعىنداعى توعىزىنشى قابىرعاسىنىڭ سىنعاندىعىن كورسەتتى. ءتيىستى تالدامالار الىنىپ، كوكجوتەلدىڭ بەلگىسىن انىقتاعان اق حالاتتىلار ارنايى ەم قابىلداۋ قاجەتتىگىن ايتتى.
www.24.kz
