سۇيمەگەندى ءسۇيۋ - اۋەجايدا كەمە كۇتكەنمەن تەڭ

 استانا. قازاقپارات -ءان تىڭداعاندا ءسوزى جۇرەگىڭىزگە قونىمدى بولسا، افوريزمدەردى ەستىگەندە تۋرا ءسىزدىڭ كوكەيىڭىزدەن شىققانداي سەزىم تۋعىزسا، بۇل سوزدەر ومىرشەڭ بولادى. تاۋىپ ايتىلعان تىركەس قاشاندا قۇندى. سولاردىڭ ءبىرقاتارىن وقىپ، ويىڭىزعا توقىپ كورىڭىز.

جاۋىڭمەن ايقاسقانعا قاراعاندا، ءوز جانىڭمەن شايقاسقان قيىنىراق.

ادامنىڭ تەك كۇنگەي تۇستارىمەن عانا دوستاسۋعا بولمايدى.

 لاي سۋدى دا جايىنا قالدىرساڭ، ول تازا دا ءمولدىر بولىپ شىعا كەلەدى.

 ءوزىڭدى سۇيمەگەندى ءسۇيۋ - اۋەجايدا كەمە كۇتكەنمەن تەڭ.

 الدەبىرەۋگە كومەكتەسكەن كەزدە ول ءوزىنىڭ ساتسىزدىكتەرى ءۇشىن دە ءدال ءسىزدى كىنالايتىنىن ۇمىتپاڭىز.

 بىرەۋدىڭ سىرتىنان سويلەمەس بۇرىن ونىڭ باتەڭكەسىمەن ۇزاق جولعا شىعىپ كورىڭىز.

 كىرپى بولعاننىڭ جاقسى جەرى ەشكىم موينىڭا وتىرمايدى.

قوعام زۇلىمدىققا تولى بولعانى سونشا، ناعىز ادال ادامعا دا كۇمانمەن قارايمىز.

 كەز كەلگەننىڭ كەمشىلىگى بار. ونىڭ «كەمشىلىك» دەگەنى سىزگە «ارتىقشىلىق» بولىپ كورىنەتىن ادامدى ىزدەڭىز.

 شىدامدى ادامداردىڭ جانىندا اباي بولىڭىز. ءتوزىمى تاۋسىلعان كەزدە ول كەمەنى ەمەس، بۇكىل ايلاقتى ورتەپ جىبەرەدى.

ءسىزدىڭ جۇرەگىڭىز تەز جارالاناتىنىن، كوڭىل- كۇيىڭىز تىم قۇبىلمالى ەكەنىن، ءتىل تابىسۋ وڭاي ەمەس ەكەنىن كورە تۇرا جانىڭىزدا بولۋدى قالايتىن ادامنىڭ عانا شىن سۇيەتىنىنە سەنۋگە بولادى.

 ادام قانداي جاعداي بولسا دا، ءوز وتباسىن قاجەت ەتەدى. ءۇيىپ- توگىلگەن اقشا دا، ەڭ باۋىرمال دوستار دا، تىم جوعارى مانساپ تا وتباسىنىڭ ورنىن باسا المايدى.

ءبىر قاتەلىكتى ەكى رەت قايتالاۋعا بولمايدى. ەكىنشى رەت بۇل قاتەلىك ەمەس، تاڭداۋ.

 بارلىعى جاقسى دەپ ايتاتىن ادام ەمەس، ءىس ناسىرعا شاپسا دا، قانداي جاعداي بولسا دا سوڭىنا دەيىن سەنىمەن بىرگە بولامىن دەپ ايتاتىن ادام كەرەك.

ءسىزدى تەك جاقسىلىققا باستايتىن ادامدارمەن عانا ارالاسىڭىز.

بىلمەگەنىڭنەن قورىقپا، ۇيرەنبەگەنىڭنەن قورىق.

وتكەنىڭىز ءۇشىن ءوزىڭىدى جازعىرماڭىز، ءسىز جاي عانا باقىتتى بولۋعا تالپىندىڭىز.

جۇرەك - گۇل سەكىلدى، ءوزى اشىلماسا، كۇشتەپ اشۋ مۇمكىن ەمەس.

اقىماقتىق جاساۋدى توقتاتساق، قارتايدىق دەگەن ءسوز.

Massaget.kz